20170811 08

男友心聲 3種女友 護士空姐銀行職員娶得過?

女朋友係空姐篇

文章授權:電視汁撈飯

「或者人生就好似衝上雲霄,當Sam哥同Zoe經過重重困難,最後有情人終成眷屬,你諗住大家都會開開心心生活落去。但你估唔到,佢會有第二集,而Zoe一開波仲瓜埋。

由你初初做空姐開始,我已經明白我地既關係,將會面對無盡挑戰,由出ticket等waiting既煎熬,到時差為我地帶來既阻隔,過去數年看似眾多難題我們也成功一一克服。當我以為頭一兩年乜都捱過左,依家先發現,原來比賽先岩岩開始,我地都未對最勁個大佬-成長。而呢份工面對既,將會係更多更煩既大佬。

首先,每次有人問起知道你又飛左,諗住除左同我講恭喜之外都唔知講咩好,可以自由自在咁花天酒地,由初時我也享受這份無拘無束,一兩年後真真正正感受到你有你既生活,我有我既忙碌,就算大家都無關節痛,但連一個星期六的約會,也要等到三星期後才能成功,每份失落原來也在累積。

相關文章