你係小朋友還是成熟嘅社會人?

生活消閒

廣告

你覺得自己處事成唔成熟呢?有冇俾人話過你成個小朋友咁,做事唔理分寸?有人話,出來社會做事,心態都會唔同咗,諗嘢會成熟咗。

不過,小編就覺得個個都同嘅,有啲可能做咗好年嘢都仍然保持童心,有啲可能未返工已經有一副看透世事眼光。係咪好想知自己心智有幾成熟呢?以下就有個網上流傳嘅心理測驗,你快啲做啦!

1/ 有一日你好得閒冇嘢做,你就會覺得好無聊,無聊到好想死。
是-第4條;不是-第2條

2/ 輸俾人哋時,你會覺得好唔爽。
是-第3條;不是-第5條

3/ 看到小朋友喊時,你會覺得特別煩躁。
是-第6條;不是-第5條

4/ 你好揀飲擇食,如果有自己唔鍾意嘅嘢食,一定要先挑乾淨先食。

是-第6條;不是-第3條

5/ 發現有人講你壞話,你會記仇,仲唔會咁輕易原諒對方。

是-第9條;不是-第12條

6/ 嬲嘅時候,就算同對方唔太熟,都會發脾氣。
是-第8條;不是-第9條

7/ 喺屋企嘅時候會一日到晚開住電腦或者電視。
是-第13條;不是-第14條

8/ 想要嘅嘢就一定會努力得到手。
是-第15條;不是-第7條

9/ 鍾意並成日睇恐怖漫畫或電影。
是-第7條;不是-第10條

10/ 理解唔到父母嗰輩嘅戀愛方式,例如見一次就要結婚。
是-第13條;不是-第17條

11/ 好講得笑,性格開朗,人哋講你啲咩都唔會太介意。
是-第20條;不是-第17條

12/ 攞人哋著數,多過人哋攞你著數

是-第11條;不是-第10條

13/ 宜家覺得動畫同漫畫都好無聊同幼稚。
是-第16條;不是-第18條

14/ 沒辦法靜靜咁坐喺張枱前30分鐘,仲要頂唔順身邊嘅環境好亂。
是-第19條;不是-Q第18條

15/ 睇到比較特別嘅人,就會有種想欺負佢嘅衝動。
是-第19條;不是-第14條

16/ 見到老師或者成功人士,都會想變到同對方一樣成功。
是-C;不是-D

17/ 感覺宜家嘅自己仲係好迷茫。
是-第20條;不是-第16條

18/ 覺得大人嘅世界感到非常污糟,覺得冇人可以信任。
是-C;不是-B

19/如果有人講你壞話,你就會講返佢壞話,廢事自己好似像白癡咁俾人玩。
是-A;不是-B

20/ 對現在嘅生活非常滿意,覺得好幸福
是-E;不是-D

A.  BB時期

你嘅心理年齡仲係一個小朋友,可愛天真。仲要唔係扮出嚟,係真心嘅單純同天真。發生咩事都將喜怒哀樂寫起塊面,唔知道亦都唔會刻意隱瞞。雖然咁嘅性格係直接簡單,但係出嚟社會工作就好容易得罪人。
另外,你都好喜歡依賴人,亦都好重感情,喺愛情上特別脆弱。因為你太念舊,對感情非常專一,甚至可以話有啲傳統。

B. 小學雞時期

你內心係個小學生,心思單純而且好善良。不過就蠢唔晒,對人會有防備心、識分清楚邊個個係好人同壞人,只是不想計較咁多。你看透世事,知其他人在個心諗咩,但唔會想去揭穿人,等對方有下台階。

另外,你做決定嘅時候,喜歡多啲聽人意見,因為你承擔唔起自己落決定之後嘅責任,面對困難就會搵人幫手。同時,你都好在意人哋點睇你,想聽多啲肯定同鼓勵,咁就可以激發出你更多鬥志。

C. 後生仔女時期

你個人比較有個性,好有自己嘅想法,同時都保持有活力同好奇心。有一種初生之犢不畏虎嘅衝勁,你並唔在意其他人嘅諗法,也堅持自己、唔會俾其他人左右你嘅決定。唔好處就係,做事嘅手腕同方法唔夠圓滑,好容易得罪人。
你尚未習慣現實世界中好多人嘅處事手法,唔想變成「世界仔/女」。可見得你係個倔強嘅年輕人,內心清澈,但係又開始面對各種生活嘅無奈。

D. 成熟時期

你嘅心智成熟,對自己未來有清楚嘅規劃同目標,所以唔會咁輕易畀其他人嘅意見影響,都唔會輕易暴躁。事業上,你有自己一套眼光同野心,知道現實世界嘅事業、財力、人脈等對自己嘅重要性。
你有幾個可以傾到心事嘅朋友,唔會再盲目追求一大班人嘅群體生活。
另外,你都面對好多壓力,就算你心智成熟,清楚現實世界嘅遊戲規則,但係有時會覺好攰好難受。

E. 老人時期

你的內心已經係個老人家,討厭生活節奏太快,亦會注重養生,鍾意花花草草同動物。你唔會特別去迎合其他人,更加唔驚得罪人。你只會在乎某啲你緊嘅人,其他人點睇你一啲都唔會在意。

你會好珍惜同屋企人相處嘅時間,所以就算好忙都會留時間畀佢地。你亦會充實一下自己,例如睇下書或者做下運動,保持自己健康。
就算你實際年齡好後生,身上總係散發一種從容嘅感覺。。

如我有特別需要申請政府津貼,有什麼津貼可以申請?

如是長者/傷殘人士,可以留意長者生活津貼長者咭樂悠咭傷殘津貼申請綜援等等,在住屋方面,可以考慮申請公屋

如果我想外旅/返回內地,有什麼需要留意?

首先,要留意特區護照/回鄉證是否需要續期,以及留意不同貨幣的匯率走勢,包括人民幣兌港幣日元兌港元英鎊兌港元等等。