朋友 我當你一世朋友 原來做一世朋友要24萬

朋友 我當你一世朋友 原來做一世朋友要24萬

生活消閒

廣告

成日話友誼係無價,但英國一個網站做咗個調查,發現原來做對Friend足40年嘅好朋友,雙方唔止要付出感情,仲要各自付出起碼23,870英鎊(約24萬港幣)!撰文:JOEY

中國人話:「人生得一知己,死而無憾」,不過呢個調查入面過半嘅受訪者都話成世人平均有三個好朋友(講緊平時關係相當密切、願意為佢上刀山、落油鑊而佢都一樣肯嗰啲),如果同呢三個好朋友都維繫到40年嘅話,你就已經為佢哋付出咗大大話72萬港幣!究竟呢條數係點計返嚟架呢?

根據受訪者提供嘅同老友平均消費數字,唔好講話同老友行街食飯睇戲等等嘅濕碎數先,當你老友記每次生日你都會花費1,188蚊喺佢身上,40年計埋都已經差唔多47,543港元。又假設你每年去旅行都會用61蚊左右買啲手信畀佢,咁40年就用咗大概2,459港元。又假如你朋友久唔久就失吓戀嘅話,你每次都要洗差唔多1,707蚊陪佢劈酒消愁幾天,到佢終於結婚唔洗再失戀嗰日,作為好兄弟好姊妹,平均要洗4,379蚊係佢嘅人情同埋單身Party度,過多幾年佢有咗小朋友,送吓禮物都要洗你大約2,876元直至佢大個仔,仲未計如果你都已婚嘅話要畀利是呢。

人越大就越多變數可能發生喺你哋嘅友誼面前,包括其中一方可能要去第二度工作、甚至生活,為咗維繫大家之間嘅友誼你可能會不惜工本飛去第二個國家探佢,40年閒閒哋都洗你十萬八萬,仲未計你朋友可能去啲特別刁鑽而且機票又貴嘅地方,例如南美或者非洲咁。

要留下一個好朋友要洗咁多錢嘅時候,你哋又願唔願意為對方洗呢筆錢呢?根據上述調查,有85%嘅受訪者都覺得完全值得,因為友誼係無價。小編都認為錢無咗可以再搵,但友情唔維繫就好難再令對方對你付出一片真心,咁樣對比嘅話,你係咪即刻覺得一份友誼比呢廿幾萬珍貴得多呢?你又仲會唔會計較嗰五百蚊人情?

如我有特別需要申請政府津貼,有什麼津貼可以申請?

如是長者/傷殘人士,可以留意長者生活津貼長者咭樂悠咭傷殘津貼申請綜援等等,在住屋方面,可以考慮申請公屋

如果我想外旅/返回內地,有什麼需要留意?

首先,要留意特區護照/回鄉證是否需要續期,以及留意不同貨幣的匯率走勢,包括人民幣兌港幣日元兌港元英鎊兌港元等等。