設備齊全平到笑 月費180元做健身

生活消閒

廣告

為擁有健康體魄或健美身材,時下男女不少都積極減肥及健身。隨著夏季到來,到戶外做運動怕酷熱難耐,在室內做GYM就成為最佳選擇。

 

不過,近年不時有健身中心倒閉,令消費者蒙受損失的事情發生,如果想又平又穩陣,不妨考慮一下政府康文署經營的健身室。

 

現時康文署在港島、九龍及新界區,分別有13、17及46處健身室設施,方便各區人士使用。

 

 

收費方面,一般為每小時13至14元;月租則為每月180元。

 

凡年滿15歲或以上人士,只要參加康文署舉辦的「正確使用健身室設施簡介會」,並通過筆試,就可以登記成為康文署健身室使用者。

 

 

不過,由於名額是先到先得,有意使用者需留意開放報名時間。

 

除了康文署外,非牟利機構如YMCA、仁愛堂、李福林體育會及工聯會,亦都設有健身中心,收費雖然貴過康文署,但較私人健身中心便宜,若地點方便,也不妨考慮。

 

延伸閱讀:無藉口落雨唔做運動 香港5大室內緩跑徑

 

近年一眾型男美女、明星名人紛紛愛上跑步。除為健康,更是潮流。不過跑步要睇天氣,太凍太熱都唔方便,落雨就更加覺得「個天唔鍾意我」!而無論任何天氣,去 室內緩跑徑 就唔洗愁!現時香港有5條 室內緩跑徑 ,等你可以歎住冷氣,想幾時跑就幾時跑,再冇藉口唔keep fit啦!

 

原文:新假期

 

室內緩跑徑 跑步方便在於唔洗日曬雨淋,場內又有冷氣,重中之重是有更衣室同沐浴設施,跑完可以沖個靚涼,唔洗帶住一身汗味。

 

而體育館開放時間大多由早上7點開始,返工前都跑得。現時5條室內緩跑徑分佈於中環、調景嶺、上水等地,位置方便易去,不少更有其他玩樂設施配套添!

 

1. 豪華+方便 調景嶺體育館

調景嶺體育館於2015年啓用,新束束的室內緩跑徑長約150米,為5條之中最新同最豪華!其他設施仲有戶外運動攀登牆、兒童遊樂場,室外仲有園景花園同草坪,跑完步仲大把嘢玩。而體育館位於將軍澳翠嶺路,港鐵站一出即到達,非常方便。

室內緩跑徑啟用一年多,場地仍然好新淨,亦夠晒光猛!

調景嶺體育館設有2條室內緩跑徑,唔洗怕要同人爭。(2條均長約150米)

從落地玻璃可以見到一眾運動員於球場上的英姿

其實室內緩跑徑下面是室內羽毛球場(共8個),可以邊跑邊睇人打波。

 

特別推介:兒童遊樂場

其他體育館少見有咁大型的兒童遊樂場,調景嶺體育館的兒童遊樂場以海洋為主題,入面有不同設施俾小朋友玩,跑完步可以同小朋友去放電。

(圖片來源:康文署)

體育館外仲有大草地,好relax!(圖片來源:康文署)

 

調景嶺體育館

地址:將軍澳翠嶺路2號(港鐵調景嶺站A出口)

開放時間:每日上午7時至晚上11時(定期保養日除外)

電話:2481 5033

 

2. 除下西裝去跑步 香港公園體育館

香港公園體育館位於中環,地點近山頂纜車總站,啱晒於中環、灣仔,金鐘等地方返工的上班一族。響辦公室坐完一日,不妨收工除低套西裝去跑下啦!

香港公園體育館的室內緩跑徑其實同樣是觀眾廊,長約150米。

香港公園體育館由1991年開始啟用,其室內緩跑徑可能是最有歷史!

雖然設施上可能無咁新,但好在地方近!

 

香港公園體育館

地址:香港中環紅棉路29號

開放時間:每日上午7時至晚上11時(定期保養日除外)

電話:2521 5072

 

3. 上水+粉嶺最靚緩跑徑 保榮路體育館

住上水同粉嶺的朋友一定識保榮路體育館,因為保榮路體育館有全北區唯一的室內緩跑徑,住新界的你不妨去朝聖。

保榮路體育館有2條室內緩跑徑,可以同朋友孖住跑。(圖片來源:康文署)

有唔少跑手都鍾意去保榮路體育館的緩跑徑跑!

保榮路體育館另一特色是有少見的美式桌球室,仲有戶外運動攀登牆,跑步之餘可以試下其他活動。

 

上水保榮路體育館

地址:新界上水百和路19號

開放時間:每日上午7時至晚上11時(定期保養日除外)

電話:2639 2979

 

4. 四通八達 天水圍天暉路體育館

講起天水圍,通常得到的回應都是「好遠啊」等,其實天水圍都好易去。而天水圍的天暉路體育館亦四通八達,旺角、青衣、元朗等地方都有車去到,有心跑就唔怕遠啦!

天暉路體育館天暉路體育館的室內緩跑徑相對無咩景觀睇,可以專心跑步。

天暉路體育館的室內緩跑徑全長130米,雖然是最短的室內緩跑徑,但緩跑徑有3條跑道,夠晒空間跑!(圖片來源:康文署)

天暉路體育館仲有5條攀爬線的戶外攀石牆,跑完去睇下攀石都得。(圖片來源:康文署)

 

天水圍天暉路體育館

地址:天水圍天瑞路63號

開放時間:每日上午7時至晚上11時(定期保養日除外)

電話:2473 0229

 

5. 將軍澳另一選擇 坑口體育館

同樣位於將軍澳的坑口體育館亦有一條長約150米的室內緩跑徑,但場內只有一條緩跑徑,設施亦無調景嶺體育館咁新。不過勝在位置方便!

坑口體育館雖然只有一條室內緩跑徑,但空間感都非常大。

緩跑徑地下會印有幾多米,可以計下自己跑左幾多米。

緩跑徑下面是羽毛球場,想方跑方睇人打波都得!

 

將軍澳坑口體育館

地址:將軍澳培成路38號(港鐵坑口站B出口)

開放時間:每日上午7時至晚上11時

電話:2623 5928

 

如我有特別需要申請政府津貼,有什麼津貼可以申請?

如是長者/傷殘人士,可以留意長者生活津貼長者咭樂悠咭傷殘津貼申請綜援等等,在住屋方面,可以考慮申請公屋

如果我想外旅/返回內地,有什麼需要留意?

首先,要留意特區護照/回鄉證是否需要續期,以及留意不同貨幣的匯率走勢,包括人民幣兌港幣日元兌港元英鎊兌港元等等。