金錢不是萬能 但沒了金錢卻萬萬不能
「你知道嗎？！我老板超好人，竟然借錢給我買樓！」朋友。
「真的嗎？借多少？」我。
「我支付首期就行了，其他的他都借給我，但每個月薪水扣除一半，還有在還清之前不能辭職。」朋友。
「你職位很高？還是有工作非你不可？老板為了不想你離開，竟然借錢給你買樓？！」我感到難以置信。
「沒有，我只是個最低級的職員。」朋友。
「快告訴我！你公司在哪？我也要入職！」我。
「嘿嘿，我在銀行上班。」朋友。
「……」
原來朋友跟正常人一樣向銀行借錢供樓，還款期30年，他只是恰巧在銀行上班而已。只要換個心態，任何人都可以活得很快樂…
很多人都將「有樓」與「無樓」視為成功的界線，於是所有人都把工作、學業、生活與錢扯上關係。
甚至連我們的人際關係，也與錢有關…
找伴侶，需要找一個有經濟基礎的。父母在你小時候不斷灌輸你，長大後要掙多點錢。到你出來工作，「家用」就成了尷尬的話題。
到你終於成家立室「結婚」這兩個字，背後又是令人吃不消支出壓力。就算你想簡簡單單，但在雙方父母的壓力下，被逼倒錢落海…
那友情呢？友情應該是無價的吧？！
出席婚宴時的禮金多寡，正是考驗友情的時候。儘管不想為了收回禮金才邀請朋友出席，但現實是，擺一場父母滿意的酒宴，真的需要很多錢…
這種人生會快樂嗎？當然不會…除非你很有錢。
雖然說金錢買不到快樂，我們不應該將快樂建基於物質之上。
但注意，我以上所說的，不是買名牌和換最新型號手機…只是基本上生活所需，組織一個家庭，卻要花上一輩子的時間。
在現在這個社會，沒有錢，連生活都做不到，談何快樂？
或許，我們都該學學那位朋友一樣，換換自己的心態，在生活中可以苦中作樂…
延伸閱讀
有日，一個我喺公司最敬重嘅前輩，同我講咗一段感人肺腑，極度勵志嘅說話。
「藍橙，你入咗嚟公司幾耐？」
「幾年…」
「雖然日子唔算長，但喺我眼中，你已經唔係一張白紙。」
當時我心諗，係咪讚緊我想加人工呢？點知，前輩再同我講…
「喺我眼中，你係一張廢紙。」
劉青雲講過：「做人無公關？食屎嫁嘛。」
出嚟社會工作，學識嘅就係唔好做自己、最緊要隨波逐流、畀少啲意見、發少啲疑問…
慢慢會被呢個社會磨得平平滑滑，心入面嗰團火？一早就熄咗啦。
我同自己講…藍橙啊藍橙，公司出糧畀你，你就係一隻狗，千祈唔好反抗啊，
如果唔係連份工都無啊～
每晚屋企人都會不停問我幾點收工返黎飲湯。
我心諗…都想知我幾時先收得工啊啊啊啊！
而家成日都會懷念返嗰幾年大學生涯，雖然我又頹又廢又窮，但起碼想做乜就做乜。
畢業出到嚟做嘢，無錯係搵到錢，不過就無晒時間，想做乜都唔得。
正如而家返工好多潛規則一樣，大學都有好多獨特文化。
以前喺Hall三唔識七，一齊喺Pantry食個宵夜已經係朋友。
而家同事表面上就出生入死，實際上總會喺背後插你一刀！好似玩《刺客教條》咁…
望返以前第一次著老西嘅相，以為自己好型。
而家日日著老西返工，我又懷念返喺Hall短褲拖鞋四圍走…
由第一次到第Ｎ次走堂，已經走到麻木晒。
而家？病到死死吓，都唔敢同老闆請半日假。
第一次見工嗰種緊張既心情，係一世都唔會忘記。你永遠理解唔到，點解見工
要用多國語言去介紹自己，仲有一堆連愛因斯坦都無法解釋嘅題目。
「你覺得自己有咩缺點？」
「懶…」
「咁公司點解要請個懶人？」（心底：DLLM咁你又問…）
「點解你想返呢份工？」
「因為覺得好有挑戰性。」（心底：我只係想要錢咋）
「如果做耐咗，無挑戰性你係咪辭職？」
「……」
「點解公司要請張白紙呢？」
「但招聘廣告話無須工作經驗我先嚟見工咋喎…」（心底：你咁嘅人工，請鬼到有經驗嘅人咩？）
我本來以為工作，係用嚟實現夢想…
點知工作只係令我同夢想嘅距離愈來愈來遠。
老闆對我嘅要求愈高，我對自己要求就愈低，有份工，有糧出已經心滿意足…
作者為80後網絡作家，憑【我是技安，我出席了大雄的葬禮】網絡創作爆紅。
facebook專頁：https://www.facebook.com/BlueGodZi/
