袋住5句流利英語 出外旅行好受用

職場

廣告

新年有好多人都會去下旅行relax 下,出到去好多港人用得最多嘅係英文。不過,有時就好衰嘅,講到口唇邊就會講唔出口。好彩今次有阿滴教你講返幾句喺機場常用英文,出得去行,就學定幾句傍下身啦!

阿滴在影片中教大家 10 句外遊必學英文,其中以下 5 句最為常用,大家記得好好袋住呀!!

1. Window seat, please.

好多人坐飛機都特別鐘意坐窗口位,貪佢可以睇下出面嘅風景。如果你都係其中一個,就記得揀位嗰時同工作人員講 “Window seat, please.”相反,有啲人覺得坐走廊位方便啲,可以得閒起身行下,舒展下筋骨,你就可以話”Aisle seat, please.”

2. Is this allowed on the plane?

原來,有好多嘢都係唔可以帶上機,就例如Note 7。想確保你帶嘅物品可以順利上機,唔會臨時畀人沒收,你一定要學識呢句”Is this allowed on the plane?”。問一問有關物品係咪可以上機,如果唔得就要諗諗計點算好啦!

3. Is my baggage overweight?

有時去旅行唔覺唔覺會買多咗好多嘢,回程嘅時候就好驚自己個行李過重,要俾付加費。喺磅行李嘅時候就會好緊張,但係見到個磅數又唔係好SURE有冇過重,你就可以問一句”Is my baggage overweight?”,如果聽到句”NO”你就放心晒啦!

4. Where is the departure gate?

個個地方嘅機場都唔同,又大都死喎,一個唔覺意好易行錯路。如果你係一個專業嘅路痴,成日行錯路的話,呢句完完全全可以幫到你。你到時可以問一問”Where is the departure gate?”,知道點行之後就唔怕會行冤枉路了。

5. I’m here on vacation.

有時過關啲人會問你 What is the purpose of your visit? ,問下你黎呢到做咩。突然咁樣俾人問都唔知點答好,唔同答”I come here to play.” 咩,好樣衰啫。唔知點講好,你就可以答 I’m here on vacation. 話俾人知你係去渡假。