RN12017-08-28

譚仔好定三哥好 寡佬有一種簡單叫食米線

撰文: 有腳嘅雀仔

正所謂「鹹魚白菜,各有所愛」,米線就係我所愛。

由細到大我都唔鍾意食飯,人大咗有得揀都唔揀食飯,只會揀食米線。

琴晚「一支公」收咗工唔知食乜好,又走咗去食碗米線先返歸。

米線舖喺香港開到成行成市,總有一間喺咗近,而家落街就有一間,就連返工附近都一定會有米線揀。

有時屋企無飯開,放咗工就要煩食乜。老麥唔飽肚、茶記夜晚又貴食,想「平靚正」都係得米線揀。話說我屋企附近有間食粉麵嘅舖頭,我次次去親都會叫牛雜米線,廿九蚊就有交易。

相關文章