冇人睇淡先係最驚 3個月內樓價見頂
朋友： 「唔睇啦，越睇越升。」
筆者： 「總會有調整時候嘅。」
朋友： 「冇可能啦，樓價指數連續十幾個星期創新高啦。」
筆者： 「唔通永遠都創新高咩？總會有停嘅一日嘛！」
朋友： 「睇唔到囉，好灰！」
筆者： 「有冇發覺最近升幅收窄，而且唔係好全面。」
朋友： 「係喎…之前成日八個指數一齊升，而家有升有跌喎。」
筆者： 「相信唔使幾耐就會見頂。」
朋友： 「唔會啦，睇升嘅人越嚟越多，好恐佈呀！」
筆者： 「有幾恐佈呀？」
朋友： 「有調查顯示，冇受訪者覺得會跌，零呀！」
筆者： 「咁又點？」
朋友： 「個個都睇升，仲點會跌？」
筆者： 「97年嗰陣都係個個都睇升架啦！」
朋友： 「20年前嘅事仲有乜參考價值？」
筆者： 「舊年呢？舊年年頭個個都睇跌喎！」
朋友： 「我記得，你仲叫我出去執平貨，我冇聽你講。」
筆者： 「點解唔聽呢？」
朋友： 「個個都睇跌，個個朋友話我癲，所以唔敢買。」
筆者： 「咪係囉，多人睇升唔一定升，多人睇跌唔一定跌架！」
指數升幅有放緩跡象
去年年底政府推出「第二套房印花稅15%」辣招之後，樓市冷卻了幾個星期，之後重拾升軌，氣氛不斷升溫，曾經有多個星期，樓價指數中的八個指數齊齊上升，總指數升幅超過一點，升勢凌勵。
然而，最近明顯有變，升幅開始放緩，也很少八個指數齊升，很多時候總會有一兩個指數下跌，升市的動力已經逐漸減弱。不過筆者相信蜜月期仍然會維持兩、三個月，始終暑假是傳統旺季，市場仍然有好幾個大盤即將推出，宣傳攻勢仍然會相當強勁。暑假之初或會再發力上衝一段，但相信離頂不遠了。
不少專家開始轉軚
雖然普遍市民看好的比例仍然繼續攀升，然而不少知名的專家、金融機構都紛紛發出了預警。當然有些預期確實比較誇張，例如有金融機構指未來10年會跌5成，被網友嘲為博登頭條。
同時亦有不少有份量的專家轉軚，未必敢說樓價會跌，但最少警告風險正在增加，勸告沒有足夠財力的市民，不要勉強買樓，尤其借高成數按揭，將來會面臨較大的壓力，筆者總對贊同。
小市民總有心理盲點
投資者很多時都可以做到「低買高賣」，其中一個原因，是他們明白到「跌市總有底」及「升市總有頂」，在跌市、恐慌的時候，會客觀分析，趁低吸納，在升市、瘋狂的時候，會理性分析，趁高減磅、套現。相反小市民呢？容易受氣氛影響，經常「高買低賣」，跌市的時候，例如去年年初，他們會恐慌，會覺得「跌市沒有底」，越跌就越唔敢買，升市的時候，他們會瘋狂，會覺得「升市沒有頂」，越升就越驚買唔到，越盲目高追。
越多人睇升，反而越要小心！
沒有人可以包中、包贏，筆者也不敢說預測一定正確，只是過去十多年，本着投資者的理念，多次捕捉到機會。只是覺得現在有不少樓盤，其買賣價已經遠超實質價值，還是小心為上。
作者為1%投資培訓中心課程總監，教授物業投資、上車及裝修等課程。暢銷書《上車又住又賺》及《樓轉命運》作者，網誌《第一桶金》總瀏覽逾300萬人次，並曾擔任TVB《有樓萬事足》顧問。
Fan Page《第一桶金》： www.facebook.com/anthony.wealth
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
