租屋幫業主供樓 有乜問題?
朋友： 「多謝！」
筆者： 「咁你呢排咪好忙囉，有冇請工人呀？」
朋友： 「冇呀，地方唔夠，請咗都唔知瞓邊。」
筆者： 「咁又係，有冇諗過搬大啲。」
朋友： 「有睇過，都諗緊換樓，但係三房6、700萬。」
筆者： 「正常丫，咁要俾4成首期喎。」
朋友： 「係囉，賣埋樓，計埋賺嗰筆都唔夠。」
筆者： 「所以話而家啲政策，打斷換樓鏈。」
朋友： 「有冇計呢？搬去新界西北好唔好呢？」
筆者： 「你哋住慣市區，返工又咁近，搬去新界西北習慣嗎？」
朋友： 「唔係咁可以點？」
筆者： 「嗰邊校網又冇呢度咁靚。」
朋友： 「冇計啦，就算唔係請工人，仔女都會大。」
筆者： 「又唔係冇計，有冇諗過租間大啲？」
朋友： 「租？我老婆實唔肯啦，幫人哋供樓。」
筆者： 「又唔係咁講，你呢間可以租出去俾人架嘛。」
朋友： 「唔得嘅，老婆話自己住一定要買。」
筆者： 「其實一條數之嘛，你幫人供，人幫你供。」
朋友： 「如果係咁，唔使買買賣賣咁多雜費添。」
筆者： 「咪係囉，諗諗佢啦。」
朋友： 「唔得嘅，唔係自己嘅，每兩年就迫遷一次唔掂嘅。」
幫人供樓好蝕底，自住樓一定要買！
很多人都有這種想法，覺得每個月交租，全部都俾晒業主，幫業主供樓，仲有機會每隔一、兩年就要俾人加租，俾人迫遷，好蝕底！其實租樓住有乜問題？問題是你如何計劃及理財。
租樓沒問題，如果你有更想做的事，有方法賺更多錢！
筆者大陸有個老表，十年前開始創業，做融資創投。幾年前公司發展需要資金，見自住樓升了很多，賣出去值200萬人仔，若租來住3000元就可以了，計落條數好似租仲抵，於是就賣掉單位，套現投資到自己的公司上，最近幾年開始收成了，投資好幾間公司都成功上市，公司回報非常豐厚，租樓有價值。
當然不是每個創業的人都會成功，不要盲目跟風，要看看自己是否有創業賺錢的基因。
租樓沒問題，如果你有更多樓收租，有正現金流！
筆者跟身邊很多戰友一樣，都是由零開始，初初買樓投資，通常都是買回報比較高的細價樓，加上早10年、8年，樓價便宜，借錢容易，持有10多個單位的比比皆是。假設每間收租，扣除供樓正現金流有8,000元，10個單位就是80,000元，拿3、40,000元租個大單位住還有餘錢，自己住緊間舊樓都租埋出去，租間靚樓住啦！
租樓沒問題，如果你有預算不多，又想搵大屋！
筆者一樣，自住跟投資劃清界線！自住會租個豪宅享受吓，資金就放到高回報的投資上，例如工廈增值、大陸樓等，年回報大約15至20%計算，付出的租金大約3%左右，息差都賺12至17%啦！
如果你的預算不多，像我朋友一樣，幾年前260多萬，買入一個260多呎的單位，雖然現在估價逾400萬了，但是賣樓後仍未夠新房的4成首期，筆者建議，不如將自己的單位出租，例如收租10,000元，然後補貼幾千元，住間又新又大又靚的。
每個人都要睇自己的財務狀況、目標！
如果你甚麼樓都冇，那就要加把勁，多買點資產了。
延伸閱讀:
人生第一層樓 買大屋苑還是鐵路沿線
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
