月供股票

【經一專欄】30歲月儲$1萬 揸$13萬現金 可考慮月供呢5隻股|月供股票|龔成信箱

投資

廣告

經一專欄・月供股票】今日龔成信箱,不少讀者想為未來作打算,如何實行投資計劃,亦提及熱門的股票以及投資心態等問題,當中包括虛擬貨幣 、收息股、月供股票、優質股、止蝕 ,以及房託 等提問。

撰文:龔成|圖片:新傳媒資料庫、unsplash

1.月供股票

 

我30歲,任職行政人員,想請教目前持有比例是否適當?
需否沽售一部分以便有更多現金作將來部署?謝謝!

太古地產 5000股 ($30.6買入)
吉利汽車 2000股 ($18.9買入)
石藥集團 2000股 ($24.35買入)
東方表行 12000股 ($2.4買入)
信義玻璃 4000股 ($10.18買入)

另持現金約13萬
每月穩定儲蓄約1萬

 

龔成老師:

上述持有的股票,大多是有質素的,雖然有些買入時股價略貴,但問題不太,基本上有得守,同埋長遠有質素及增長力,保持持有就得。

東方表行集團(0398)質素算是上述中較弱的,雖不是無質素,但都唔建議持有太多。

現時持有$13萬現金,足夠的。暫時你可以將每月的$1萬用作分注入股,原有的$13萬就繼續持有等機會。

(對照龔成信箱:Q8518)

 

2.銀行

龔Sir, 我係銀行工作。

最麻煩就係好多合規的申報,現時銀行需要就每一筆買賣都要提前向合規部拿取批復,你以前在銀行工作也有這個問題嗎?

我覺得呢樣野都係一個原因令到好多做銀行的人,唔會點買賣股票投資。

 

龔成老師:

我過往做銀行就好少少,只要用翻自己銀行做證券戶,咁樣就唔洗每次申報,只需要半年報一次就得,同埋一買一賣之間的時間,要有十幾日,咁樣就得。

所以,以前的同事,一係會用家人的戶口投資,一係就長線投資,我自己就長線的。

其實,咁樣都可以係好事,因為可減少一時衝動投資,你減少投資的次數,可能會增加準繩度。就算我而家自由身,平均一年先買一兩次股票,每次睇得好準先入,但就會大注d,這是我現時的策略。(巴菲特都係咁)

(對照龔成信箱:Q8396)

 

3.收息股

龔sir 你好!最近我睇書,發現一個增加現金流既方法:將父母已供滿的物業買下,借盡銀行按揭,將按揭在股市低迷時買入穩定收息股

只要股息大於銀行利息,便能製造正現金流。如果收息股回升,更可套現還清按揭。唔知你對呢個方法點睇?

同埋,現時按揭是否可以借到8-9成。請問一般程序要點樣做?

 

龔成老師:

對呀,這是一個方法,其實我在《財務自由行》好詳細解釋左當中的運作,但你要明白,這其實是加大了你的負債,如果你完整寫翻自己的資產負債表就明。

說到尾,即是借錢投資,這就會有危有機,過往低息年代,支付利息不高,但現時加息年代,就要小心。另外,借來的錢可以投資收息股等類別,但所有投資,都有價格風險,如果賺息蝕價,最後都無著數

因此,這些借貸投資,不是不可,但我會建議有「明顯的投資機會」才會進行。

現時的4XX萬樓,仍可借8、9成,但就要做按揭保險,同時審批時時間會較長。基本上,其他都照正常的買樓程序就得。

最緊要你在買樓前,銀行要估足價,同埋預長少少的成交期,同埋之前問清楚銀行按揭方面的資料。

(對照龔成信箱:Q8397)

 

4.中國光大國際(0257)

你好龔成先生:

小弟想請教下你隻257長線投資如何?我意思係10年以上。同埋經常聽到你講要睇下個公司本身經濟情況,但小弟不才,唔知點去搵資料。想請教下你。謝謝你

 

龔成老師:

中國光大國際(0257)本質不錯的,但股價都幾波動,加上佢之前進行供股,以及佢負債愈來愈多,這都令佢股價受壓。

佢係一家以綠色環保和新能源為主業,包括項目投資、工程建設、運營管理等。業務主要可分三類:環保能源、環保水務、新能源。

項目主要包括垃圾發電、沼氣發電、生物質能發電、太陽能光伏發電、工業固體廢物及危險廢物處置、水環境治理、以及中水回用等。例如污水處理廠、垃圾焚燒發電廠、工業固體廢物填埋場、沼氣發電廠、環保科技及工程管理等。

雖然此企業所賺得的項目回報率不會太高,但在可見的將來,行業的擴展仍會保持。

以長期來講,佢都是正面的,10年投資可以,但佢負債問題將令佢股價波動,你要明白這點。

你上佢的網站,以及睇佢的年報,就可以有資料。

(對照龔成信箱:Q8399)

 

5.比特幣

Hi 龔成:可以分享什麼是bitcoin 嗎?是風險高的鈔買東西嗎?有興趣聽你的看法。謝謝

 

龔成老師:

比特幣是一種虛擬貨幣,即是憑空創造出來,但由於在最初創立時,定了上限的發行數目,所以不少人認為由於是有限的貨幣,所以有價值。

由於網上使用的人愈來愈多,因此價格由最初極細,去到高水平,從而吸引到好多人鈔賣。

記住,無論是這虛擬貨幣,定其他虛擬貨幣,本身都是無任何的實質價值,最多只有交易價值,是一種由零創造出來的項目,但當愈多人認同時,價格就會高。

簡單來說,是一個「鬥傻」的遊獻,創立者無成本,唔知點解有人跟入,當不斷有人入時,最初的投資者會大賺,但最後可能會歸零,所以在中段入的投資者,就可能賺或大蝕,而蝕的數就是初期者賺的數。

到最後,餘下的只有交易價值,當好多人使用去交易時,佢就有一定的價值,但如果無乜人用,基本上就無任何價值。而之後有多少人用,交易程度如果,根本是好難估的,所以,是極高風險的投資。

(對照龔成信箱:Q8501)

 

6.虛擬貨幣

龔成可否講下,近期好多虛擬貨幣的炒賣,局中人是否自己造市推高價,派錢引人買,自己放。

 

龔成老師:

無論是這虛擬貨幣,定其他虛擬貨幣,本身都是無任何的實質價值,最多只有交易價值,是一種由零創造出來的項目,但當愈多人認同時,價格就會高。

簡單來說,是一個「鬥傻」的遊獻,創立者無成本,唔知點解有人跟入,當不斷有人入時,最初的投資者會大賺,但最後都會歸零,所以在中段入的投資者,就可能賺或大蝕,而蝕的數就是初期者賺的數。

根本所有虛擬貨幣,都是無中生有,然後用各種方法推高,初期投資者就在某一刻賣出。

(對照龔成信箱:Q8502)

 

7.止蝕

老師你好,本人6蚊買了1728正通汽車,點知一路跌到4蚊,應止蝕定長渣,謝謝老師

 

龔成老師:

正通汽車(1728)佢為主要做經銷,綜合四種主要汽車相關業務,即銷售、備件、服務及調查。

佢係產業鏈中,有本身的價值,但賺錢能力就唔會太強,這在佢角色同股本回報率中可以見到。佢過往的業務都保持增長,業務不差,盈利都不錯,只是這類企業的估值不會太高,加上負債問題,都是扣分的地方。

這股仍可以持有,但就不應太大注,如持貨不多,暫時可以守住先。

(對照龔成信箱:Q8503)

 

8.房託

Sir,想問一下405 越秀房託
現在有什麼風險
可以入?

見佢現價有7厘

 

龔成老師:

投資房託,最重要是了解佢持有的物業,越秀房託(0405),持有位於廣州的6項商用物業,及位於上海1項商用物業,包括寫字樓、零售商場、批發、酒店這幾個範疇。

整體來講,佢的物業都有一定的質素,各物業都處理想位置,而收入貢獻最多的廣州國金,更是很優質的物業,有相當價值,長遠租金有平穩增值的能力。

但佢高息,是市場反映佢比香港房託有較高的風險。

相比香港的房託,這房託的租金變動會略為波動,中國經濟是影響的其中一個因素,而酒店部分會比其他部分略為波動,另外,人民幣的波動亦是因素之一。當中的價值及租金收入均以人民幣計算,但最終將折算成港幣股息,令股價及股息會產生少少波動。

7%-7.5%會是合理的股息率水平,能抵消當中的風險,分注投資可以。

(對照龔成信箱:Q8504)

 

9.金沙(1928)

龔成老師, 我46蚊買入3手銀河娛樂,有7手金沙中國 平均34.5 , 現在輸緊2萬多,請蚊是否需要止蝕,因害怕繼續跌落去 謝謝,

 

龔成老師:

我地決定是否繼續持有一隻股票,最重要是睇企業質素、前景,銀娛(0027)、金沙(1928)都是有相當質素的企業,你唔需要因素中短期股價下跌,而要止蝕。除非企業出現質素轉差,否則不同賣出。

而你「害怕繼續跌落去」,是感覺,我地絕對唔可以憑感覺投資。若果我地持有的是優質股,企業質素無變的話,我地是希望股價下跌的。因為這可以令我地買更多貨,所以你要加強你的投資知識,分清楚「價格」、「價值」的分別。

不過,你要留意一點,若果你本身的財富組合,過份集中在同一行業,就要作出調整,因為這會有集中風險的。

(對照龔成信箱:Q8505)

10.匯豐(0005)

龔老師好,想問下有較重貨匯豐,主要收息,圍返80幾蚊,之前升返無放到,請問渣唔渣得過?會唔會升唔升?

 

龔成老師:

我地最重要的,是做好財富上的配置,企業質素、前景,以及平衡分配最重要。

匯豐(0005)有質素,但賺錢能力的確比過往年代弱左,因此,你只可以當佢係收息股,唔好對股價有太大的期望。

這股可以持有,有得守,但未必值得佔組合太多。

另外,我地一定要平衡組合,唔能夠太集中在一股。如果這股佔你組合太多,就要慢慢減持調整翻。如果你本身想收息,就應建立一個更平衡的收息股組合。

(對照龔成信箱:Q8506)