藍籌股

月供$10,000買7隻藍籌股 想10年後每月$10,000現金流 | 月供股票 | 龔成信箱

投資

廣告

【月供股票.藍籌股】今日龔成信箱,不少讀者想為未來作打算,應如何實行投資計劃,亦提及熱門的股票以及投資心態等問題。

撰文:龔成 |圖片:新傳媒資料庫

1.藍籌股

我看你專欄,你會說價錢平,合理區,及比較貴,如果用月供,可不用理會,除非到了超貴,就先考慮停供。

我剛剛開始Set 了七隻:

中電2000;長建2000;港鐵2000;金沙1000;領展1000;Hsbc1000;煤氣1000, 合共:10000。

如跌到23000-24000每隻會供兩倍,即每月20000

我想請教,它們分別到達什麼價格會係超貴而應該停供?

因為我40歲,所以這個組合比較保守,我目標是50-55歲時,每年收息有120,000平均每月10000現金流,但這些股只有2%-4%息,如果它們不增值,我計過未必達標

所以我想優化它,現在供10000,恒指比較低時供兩倍,而市場熾熱時停供,但想請教上述七隻現時什麼價格會係超貴應該停一停供。

另外,其實我可以12000,24000,即供多兩隻1000,除了2800外,可否建議多兩隻加入組合,令它更分散及平衡?

龔成老師:

以你的年齡情況,以及目標50-55歲收息,其實可以用簡單的「先增值,後現金流」方法,你大致都做到這點。

這刻,組合應該處平穩增值狀態,你上述月供的,大致都做到這狀態,以現時的市況,你保持月供就得,這7隻都是有質素,並且合平穩增值的原則。如果你這刻想加注,就加$4000到盈富(2800),這是可以。如果想加多兩隻,可考慮中銀(2388)、比亞迪(1211)。

當大市去到昂貴的區域,我地就可以減少月供,但好難用一個指標講到幾時是貴,因為這是一個狀態,如果而家計起,大市升多兩成,就有可能是貴(但都要到時睇情況)。

相反,如果大市回落,你可以加大月供,甚至將之前儲到的現金,買更多優質股,我相信大市回15%,會到了這個機會。

你目標是50-55歲收息$12萬,你這些可以繼續進行上述的計劃,到了50歲時,才慢慢轉到成收息股的類別,目標是到時有5%的股息收入。

如果你到時有$240萬的資產,將佢轉投成收息股,5%股息率,一年就是收息$12萬,已經完成到你的目標。

坦白講,只要你每月儲到$15000儲蓄及投資,10年後,都已經達成目標,因此你要做到唔難。(對照龔成信箱:Q5735)

2.盈富(2800)

我25歲,想$6000做月供。選定了2800($3000)。另外一隻有什麼推介?還是只放在2800好呢?

另外想問一下,如果初入門想睇你寫既書,應該睇邊本先?之後既次序應該係點呢?謝謝你的回答,老師!想準備一下先至上你嘅投資班。

龔成老師:

如果你25歲,可以進取一點,每月供$6000的話,可以供$3000在盈富(2800),之後供一隻平穩增值股,例如港鐵(0066)、中銀(2388)、領展(0823)等,供$1500。另外的$1500,供潛力股,例如比亞迪(1211)。

你可以先睇《80後百萬富翁》、《80後2百萬富翁》(但這來已斷市),之後睇《財務自由行》、《大富翁致富藍圖》,再睇《50優質潛力股》、《50穩健收息股》。

其實股票班都適合初階者,因為對象是初中階投資者,當然,你睇書打左底先會好啲。(對照龔成信箱:Q5726)

3.比亞迪電子(0285)

老師,我是股票班舊生,有關財務報表的問題想請教,比亞迪電子收入沒有強勁升幅,但純利(除2億政府補貼外)都有顯著上升,其實成本上已經有改善。

是不是代表市佔率有優勢,可以判斷正面持續向好?(在市場有優勢時 競爭會減少 需要的成本會減少)

龔成老師:

比亞迪電子(0285)由於有一定的技術,所以賺錢能力有所提升,佢之前研發出一些較好的手機外殼及配套技術,有一定的應用層面,因而取了不少訂單。生意增長是自然的事。

由於成本減少,以及憑技術取了一些較高毛利的訂單,因此盈利上升比較明顯,我地從毛利率及股本回報率可反映到這部分。

以這個情況炒斷,佢仍會持續向好的,但這類代工的企業,賺錢能力有極限,因為不是自己的品牌,所以毛利率去到一個水平就較難上升。前景正面,現價合理,但未必能爆得太勁。(對照龔成信箱:Q5727)

4.增長型優質股

龔成老師,我畢業左1年,今年23歲,畢業後就一直保持月供股票計劃,月供計劃如下:

盈富基金 (2800) – $2000; 香港中華煤氣 (0003) – $1000 ; 南方A50 (2822) – $1000

盈富追蹤大市,煤氣穩健公用股,南方則主要看好長遠中國發展。現在能夠月儲 $8,000,月供$5,000,$3,000 保持靈活性睇準機會入市。

因此,如果想供多一隻股票($1000)的話,有什麼增長型的優質股建議呢?暫時目標有中國平安(2318)和長江基建(1038),老師覺得邊隻會比較適合我呢?

中國平安業務廣,將來更會發展大趨勢既醫療科技,公司競爭力不斷增強;長江基建則相對穩健,保持唔錯既息率同增長。

這隻股票會月供十年以上,不怕短期波幅,所以希望能選中適合自己的股票。謝謝老師

龔成老師:

你本身的分配不錯呀,每月儲$8000,將其中$5000作月供,同時能儲現金把握到跌市機會,我相信這計劃適合你,可以一直進行。

至於你想加多一隻,以你的年齡,可以投資較有增長力的股票,平安(2318)同長建(1038)都有質素,但在長遠增長力上,平安會略高的。

你以10年去做單位月供,策略正確,我相信在這前提下,平安較適合你。(對照龔成信箱:Q5728)

5.股市資訊

龔sir您好! 請問你平時係邊度睇股市資訊?

報紙新聞哪份比較準確?

另外而家手上無貨, 有10萬現金可作投資, 應怎部署?

感謝解答!

龔成老師:

我平時睇得最多的,是企業年報,其次就是該企業的網站,因為我從企業的長線發展作基礎,因此不太著重短期的消息及資料。

我地會睇下報紙及財經網站,《經濟日報》可以的,網站會睇AASTOCK、經濟通等,中銀香港網站等。由於網站數據只是人手入,所以我唔會只睇一個網。(對照龔成信箱:Q5729)

6.長建(1038)

老師,1038 是否比 港燈適合持有作收息?

港燈利息沒有太大的變動情況下

龔成老師:

港燈(2638)與長建(1038)是不同的定位,港燈沒有增長力,因為佢會將100%盈利作派息,但作為收息股,佢就會好穩定,同時股息率較吸引。

至於長建,佢的股息率不及港燈,但佢仍會不斷發展,因此有增長的能力,長遠正面。所以,如果講純收息,港燈會較好。(對照龔成信箱:Q5730)

7.潛力股

成哥 我想你對我呢家組合比意見

長期持有 1928 同埋小量福壽園

月供部分有 1211 已供9個月

1038 供了數月; 823 剛開始月供; 2800 供了數月

成哥 我再唸唸下都係覺得投資要平衡資產配置 計算番組合中每隻股票既百分比  我應該簡單較集中在盈富 因為盈富係屬於平穩增值型 包含50隻股票風險較平衡 我再加上 潛力股如1211 同1448 為組合加點增值力  

咁我應該改成 將每月儲蓄金額一部分留有現金等機會 一部分就月供盈富加比亞迪  咁樣係咪可以呢?

龔成老師:

基本上,你月供開的,可以一直月供,原本已是一個平衡的組合,有平穩增值,以及有潛力,分配無問題。

盈富(2800)的確要較集中,餘下的部分,可以一部分是平穩增長股,一部分是潛力股,這樣就可以了。當然,你每月仍要留有現金。

簡單來說,如果你照上述月供股後,仍有現金剩,策略就可以了。現金就是等機會。如果你每月有$10000現金剩,將其中的$7000月供股,$3000儲現金,這就適合。(對照龔成信箱:Q5731)

8.港華燃氣(1083)

會不會考慮將你課堂做錄影,等上唔到堂都可以睇返?

另外龔成老師,我打算用其中資金買入收息股,00003煤氣.

你對港華燃氣(01083),有咩睇法?

直得持有嘛?

多謝你解答

龔成老師:

錄影方面都有諗過,這方面要再研究下。一般來說,而家我的補堂機制運作都幾好,同學可以在下次股票班時,補翻上唔到的某堂,所以暫時都會繼續用。

煤氣(0003)是優質股,當然可以買入,但現價不平,月供較好。

港華燃氣(1083)都正面的,長遠的增長力比煤氣好,但風險卻比煤氣大,有投資價值的。(對照龔成信箱:Q5732)

9.買樓收租

呀成, 你覺得買樓放租呢樣野是否對社會冇效益或者整體黎講不是一件好事?

因為有啲人會講樓本質上係用黎住, 如果靠樓價升值或收租為主要收入似乎對社會不太好

而買股票起碼係投資落去實際係業務, 對社會有推動作用

龔成老師:

買樓收租是資本市場運作的一部分,如果唔比人買樓收租,即是所有的物業,都不存在放租,只有自住。那麼,一個人就沒有租樓與買樓的選擇,即是只可以買樓。

但不是個個都想買樓自住,因為每個人的情況不同,更何況,不是每個人的財務情況都合適買樓的,強行要每個人買樓,最後可能要政府幫助全民上車,這亦會衍生另一問題。

資本市場就是這樣運作,投資物業有危有機,我地無得改變這運作,只有盡能力了解當中的遊戲規模,取勝方面,盡力將自己放在有利的一面。(對照龔成信箱:
Q5733)

10.中銀(2388)

老師,月供中銀香港負了5%, 要否轉馬? 轉供恒生或金沙會否較樂觀?

老師, 我意思是知道購入優質股長期持有別受短期價格影響, 但中銀香港剛剛業績略差, 還依然獨特優質嗎?

龔成老師:

你月供中銀(2388),雖然現價比你買入價跌左,但你完全唔洗擔心,因為月供股票是一個長年期的做法,你現在是收貨期,收貨當然愈平愈好,根本唔洗擔心股價下跌的問題。

我地買股票就是買企業,股價下跌只是「報價」下跌,只要企業質素無變,我地就可以一直持有。(對照龔成信箱:Q5734)

體驗1分鐘貸款批核 隨時提款話咁易

平遊東京不是夢!最平住宿喺晒呢到

去大阪想搵住宿?識睇一定睇呢到!

去首爾掃貨住邊好?入嚟幫你格價搵至抵住酒店!

短trip遊台北叉叉電,即訂平、靚、正住宿出發!

去旅遊想搵住宿?識睇一定睇呢到!

延伸閱讀:

《財務自由行》第11回 不能說的秘密–偷錢系統(上)