殿堂級燈神入手TS** Elon Musk嚇到宣布打算辭職!網民:今晚可以準備去IFC

殿堂級燈神入手TS** Elon Musk嚇到宣布打算辭職!網民:今晚可以準備去IFC

投資

廣告

殿堂級燈神連燈麵咪媽燈力有幾強大,相信香港股民都見識過,今次佢做了一個驚天地泣鬼神的宣布,連首富馬斯克(Elon Musk)都要買佢怕!

撰文:經一編輯部| 圖片:Getty Images、連登討論區、Twitter@elon musk

美股投資者擔驚受怕

眾所周知,凡麵神點名支持的股票,多數無運行,近日麵咪媽高調表示將放棄港股,轉投美股懷抱,一眾港股投資者鬆一口氣,但美股投資者就要擔驚受怕!

嚇到個心離一離的不單單是散戶,連世界首富Tesla行政總裁馬斯克(Elon Musk)都買佢怕。

殿堂級燈神入手TS** Elon Musk嚇到宣布打算辭職!網民:今晚可以準備去IFC
(圖片來源:連登討論區)

「首推Ts**」「已入手Ts**」

事緣麵神日前於連登討論區發文,表示要退出港股市場,全面進攻美股,有網民問他有哪些美股推介,他表示「首推Ts**」,之後又表示「已入手Ts**」。

之後馬斯克即刻在Twitter出Post,表示「thinking of quitting my jobs & becoming an influencer full-time wdyt」

殿堂級燈神入手TS** Elon Musk嚇到宣布打算辭職!網民:今晚可以準備去IFC
(圖片來源:馬斯克Twitter)

網民:今晚可以準備去IFC

網民隨即對此議論紛紛,擔心Tesla股價從此以後無運行,又指麵神勁過印度神童:

  • 「勁過印度神童 」
  • 「Set 950入貨會唔會太高 」
  • 「唔怪得尋日跌得咁勁啦,我仲好開心買咗 」
  • 「高位1000入手TSLA,今晚可以真係準備去IFC跳樓都得 」
  • 「我一早見到沽爆咗,而家財自咗 」
  • 「正,大妖股終於收皮 」
  • 「希望跌20%以上,$300都嫌多」
  • 「呃平貨,之後又話考慮完唔辭職,又爆返上去」
殿堂級燈神入手TS** Elon Musk嚇到宣布打算辭職!網民:今晚可以準備去IFC
(圖片來源:連登討論區)

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。