26歲月入萬六 有五萬現金唔想月供 如何投資 | 龔成信箱
老師你好，我今年26，月入萬六元最近才開始儲錢。現時有大概5萬元可以作投資用。
如果現價買（不月供）50% 737同50%買405可以嗎？
還是投資多幾隻好？
如果投資多幾隻的話，其實我都有心水：如1398和939。如果這兩隻都買埋的話，比例應如何？謝謝老師。
龔成老師：
合和公路（0737）、越秀房產（0405）、工行（1398）、建行（0939）都是收息股，股價穩定，派息不錯，都是適合新手投資者。不過，對年輕人來說，這些股票的增長力不足，但你都可以作為投資的試點。
如果你有$5萬，以現時的市況（不算平宜），最多只可投資$3萬，餘下要持有現金，若出現跌市有資金買平貨。
你可以投資合和公路、越秀房產各$1萬，然後在工行及建行中，選一隻投資$1萬（因為這兩隻都是內銀股，不用太集中，選一隻就得）。（對照龔成信箱：Q4837）
2.廣汽集團（2238）
點睇廣汽，是增長潛力股嗎？
謝謝！
龔成老師：
廣汽集團（2238）主要業務包括製造及銷售乘用車、商用車等。乘用車透過共同控制實體廣汽豐田，以及廣汽本田生產多個系列的乘用車，包括Camry（凱美瑞）、廣汽豐田Highlander（漢蘭達）、廣汽豐田Yaris（雅力士）、廣汽本田Accord（雅閣）等。
增長力唔錯的，近年盈利的升幅不少，前景正面。相信以中國接下來的經濟發展情況，對佢仍然會長期正面的，但未必能以爆炸性的增長，相信中速增長可以的，這股現時的估值未貴，有投資價值的。（對照龔成信箱：Q4832）
3.評估市況
老師，其實有何因素可以客觀評估市況呢？
謝謝！
龔成老師：
通常我都會兩個方向分析，第一是市況的冷熱，股票班都有一堆指標比學生，可以用剔的方法，確認有多少過指標中，當指標中的愈多，同時愈明顯時，就反映愈冷/熱。例如全民皆股、辭職炒股等等，都是其中一些過熱市況的指標。
第二個方法，則是計算企業價值，計好後再比較現時股價，若果好多股價，現時都處於價格遠高於價值的情況，就好明顯是過熱了。（對照龔成信箱：Q4833）
4.掃貨時機
請問，睇過你的文章，話PE去到10倍，恒指低過2萬點時，長線投資者就會買貨，呢個指標系點樣得出黎？
因為我睇翻2000一2010年PE低於10倍，好似只得08,09年。
有咩指標可以睇到股票大平賣？
龔成老師：
市盈率只是其中一個指標。我分析了恒指過去幾十年的數據，歷史市盈率約為8倍-24倍，而每當跌到10倍以下，都會有很多價值投資者買入長線，所以10倍以下會叫平宜（當然只是初步分析）。
要等到這些平宜的時機，當然不易，同時要有相當的耐性，所以我地平時都會買股票。若你見到市場好恐慌，例如2016年年頭，當時經歷完2015年大時代爆破，加上中國經濟下滑，股市跌到19000點，我就是在這時期大手買入金沙（1928），當時都有叫網友買，但就比人罵，話個市未跌完（佢地只懂以短期分析，我用長期分析）。
另外，我地亦會計算企業價值，然後比較現時的股價，就知現時是否是貴。（對照龔成信箱：Q4831）
5.中渝置地（1224）
老師，我家人手持1224，想轉1928，你覺得合適嗎？
1224 入手價: $5.5 40000股左右, 現價1.7..
龔成老師：
持有一隻股票與否，關鍵位是質素及前景，買入價只是心理因素。我地應建立一個優質股的組合。
中渝置地（1224）的業務不太好，無乜長遠發展的價值，對繼續持有這股有保留。對整個財富組合的增長有限，因此轉其他優質股，例如金沙（1928）是可以的。
如果佢的買入價是$5.5，相信已持貨多年，或許心理影響好大，要佢地一下子賣出未必得，可以先考慮轉其中一半，對佢地可能較好。（對照龔成信箱：Q4835）
6.玖龍紙業（2689）
請教老師點睇2689玖龍紙業?
我係有做過PE估值計算後，係15.5入貨，其後一直跌，又不敢加注怕鎖住資金，現時佔我所持股票20%比例。現價已跌3成，我應繼續持有/加注/止蝕嗎? 謝謝
龔成老師：
玖龍紙業（2689）唔易分析的，你留意翻佢過往幾年的盈利，其實都只有十幾億左右，但近年盈利大增，我地要分析這是常態還是一下子。
因為佢生意會受紙價影響，而紙價的升跌其實唔易預測，所以佢的估值唔易計算到。我地平時分析企業，盡量會選一些生意較易計，盈利較為確認的，這股比較波動，所以不易計。
這股不是無質素，但估值不易，你持有佔比已2成，不要再增持，暫時持有原有的貨先。（對照龔成信箱：Q4836）
7.碧桂園（2007）
龔老師你好，我在之前24.9入了5手175，17入了5手2007，之後股價跌，我應該做止蝕，還是可以繼續持有，謝謝
龔成老師：
持有一隻股票與否，關鍵位是企業質素及前景，買入價只是心理影響。
吉利汽車（0175）本身有質素的，同埋佢的發展前景唔錯，無論國內及國外都是，這股可以持有，只是你的買入價略貴（少少貴，不算好貴），這股有得守，不用太擔心。
碧桂園（2007）質素不過不失，但我對內房有少少保留，佢地受惠於中國樓市好景，但現時已開始出現泡沫，若果樓市逆轉，對佢地打擊唔少，加上內房都有負債過高的問題，當中有潛在風險的。
這股都可以持有，但就不應持有太多，如果你組合只有這兩隻股，就可能要在碧桂園有較大反彈時減持部分，以平衡組合的風險。（對照龔成信箱：Q4834）
8.友邦保險（1299）、廣汽集團（2238）
龔sir您好。
1299、2238
算是估值偏低嗎
Thank you龔sir!
龔成老師：
友邦保險（1299）現時的估值不平宜呀，但要股價跌翻落去不易，始終股票有質素，就是就算合理範圍的較頂部都可以接受。
廣汽集團（2238）現時的估值不貴，這股都有質素，同埋仍有發展空間的。（對照龔成信箱：Q4838）
9.中興通訊（0763）
而家趁低買中興763好嗎？
算平嗎？
龔成老師：
中興通訊（0763）以預測市盈率計，大約為20倍左右，雖然這股質素不錯，但估值唔算平宜。
之前佢有d政治事件影響，所以股價落左，由之前較貴去到無咁貴（但未能叫平），現時可投資，但就要分注。（對照龔成信箱：Q4839）
10.中華煤氣（0003）
成哥：小弟睇完《50優質潛力股》對中華媒氣好有興趣。現在也有一邊儲錢一邊月供，打算等中華媒氣回落時再大手買入及長期持有。
但問題是回落多少才買入呢？中華媒氣的合理價是多少呢？我見書上寫PE20以下叫便宜，但近5年也不見PE20以下，那麼等到回落多少才出手好呢？
龔成老師：
中華煤氣（0003）由於好有質素，所以市場比佢的估值都幾高，好多年都見唔到真正的平宜價。當我地投資股票，愈有質素的股，我地愈能接受到就算「貴少少都買」這情況。
佢的確好難跌落較平宜的價，所以你用月供的模式買入最好，至於較大手買入，都是堅持市盈率20倍以下才買較好，最多見佢大跌時，近20倍水平時，進行買入（但不是大手）。如果你儲到一定的現金，但又等唔到這股，可以先買其他股票。（對照龔成信箱：Q4840）
編按：龔成是於公屋長大的80後青年，畢業後於銀行從事投資相關工作，雖然月薪僅萬多元，但因為理財及投資有道，只花五年時間，於28歲已累積到100萬元資產，目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》，並出任創富課程導師。
