27歲副業月賺10,000元 想辭職全力發展 又想今年買樓生BB 是否博得過?

投資

廣告

讀者:老師,好多謝你每日抽咁多時間解答咁多人既問題,唔只係投資上的問題,更多更重要係人生上的疑難。

撰文:龔成|圖片:unsplash

有個職業交叉點好想問問老師的意見~

今年27歲,一直都做同一間公司。

兩年前開始在公司做得唔開心,但好處係可以準時收工,同事關係亦很好。

正因為可準時收工,因此有時間在1年前發展副業做花藝。

花藝方面每月大約有$10,000或以上的收入,同時亦有意計劃今年生育。

原本計劃在現有公司做到生完小朋友(預算大約明年年頭),可以享受產假之餘,同時可以過到壓力測驗買樓。

但每天都抱住好想辭職和唔太開心既心態工作好辛苦,就你意思,你會建議一直忍住到原本計劃的時間才辭職/ 現在放心一搏全職做花藝呢?

補充少少 未辭職的另一原因是一直struggle 花藝會否是長遠的職業好選擇,因為之前老師有提及過手工藝未必是長遠發展的好選擇,會比較困身,難做成提及被動收入的行業。

多謝你既意思呀老師!

龔成老師 分析

如果你準備買樓,就最好等完成買樓過程先,當然這段工作時間你要調整心態,唔好太過負面,否則你好辛苦。

完成在買樓動作,過左按揭後,就可以辭職。

如果你現時單利用副業模式,花藝方面都有$1萬收入,我相信是有發展的,所以你之後可以全力去試,雖然手工藝未必能做到好大,但我相信是你的興趣,你可以試左先,之後再睇下點樣搞大佢。

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。