90後學咗投資 資產已達 $100萬 | 理財入門 | 龔成信箱
撰文：龔成
90後學咗投資 資產已達 $100萬
問 1：
龔成你好：我是在16年上過你資產班同埋投資班的一個90後。今年是個豐收年，所以資產項已達100萬。實在感激你的啟蒙。
期待再上你的堂，再和你會面，雖然我未就到時間新的一班投資班，但先在此作個約定：我遲d會報名參加的，所以遲d見！
龔成老師答：
你的財富，是你投資知識，以及努力的體現，我只是方向性指引，很高興見到你的財富有理想增長。記住，保持提升自己的知識，不要在投資時信心過渡，要有風險意識。
期待遲d同你見面，加油！（對照龔成信箱Q4338）
月供股票一問
問 2：
Hi 成哥 請問我想6000月供股票 3 2800 各三千 並長線持有 現價開始供會否太高？
龔成老師答：
月供股票是長期進行的累積財富模式，現時股市雖然有少少高，但只要長期進行，價格就能有效平均，所以不用擔心，只要不斷長期供就可以。
但只供2隻股票，就會有集中風險的情況，盈富（2800）本身是組合，無問題，但煤氣（0003）會佔了一半投資，可說是較多，最好加多一隻。（對照龔成信箱Q4330）
價值投資高手
問 3：
成哥真係地強的價值投資高手，每次睇完你的回覆和你發佈的文章，都令我增廣知識不少。
我睇完你的新書，如果大市日後會出現股災，我會大舉買入收息股。
謝謝成哥的新書，我又長知識了
龔成老師答：
投資技巧是不斷累積的。
大市股災當然是最好的入市時期，但我地唔會知幾時發生，所以，本身有一定的優質股，再有一部分現時，是較為適合的。（對照龔成信箱Q4331）
中國飛機租賃點睇
問 4：
龔SIR, 請問飛機租賃業務1848 2588 價息兼收味係都係好既長遠投資?:)
龔成老師答：
中國飛機租賃（1848）同中銀航空租賃（2588）都正面的，這兩股都可以收息，特別是中國飛機租賃，股息吸引。
不過，不要對這兩股的股價有太高期望，現時市盈率不高是吸引之處，但業務有增長放緩的情況。過往幾年有不錯的增長，但近年的增長有減慢，有可能轉向平穩。不過，現股價不貴，有投資價值的。（對照龔成信箱Q4332）
透過月供股票達致財富增值
問 5：
老師，我從經驗一週看過你很多文章及理財真人show的節目，已決心透過月供股票達致財富增值。
我白紙一張，連基本的操作性問題都唔識，就係點做……
去邊到買可信（唔蝕手續行政費），最少要幾多錢，點樣睇住個價位？
龔成老師答：
你有幾樣野要做：
第一，睇多d有關股票的書，如果連遊戲規則都未清楚就玩遊戲，下場可想而知。
第二，出去上下股票班，總之多了解股票及投資知識，多問導師問題。
第三，要開始留意新聞及財經資訊。
第四，上財經網站，睇下一隻股票的基本資料。
第五，開戶口，銀行或證券行都得，如無相熟的，就選大銀行（當然，手續費會略高）。好多銀行都有月供股，中銀的月供股選擇較多，匯豐及南洋商業，好似手續費較平。
記住，買股票就是買企業，你一定要知該企業的業務，前景。我地唔係要短炒賺差價，要長線投資，等企業成長，股價就自然向上。
由於你是新手，不要太進取，從穩健的股票開始著手。（對照龔成信箱Q4333）
比亞迪電子與比亞迪
問 6：
比亞迪1211同比亞迪電子285有咩分別, 邊間成長潛能更好？謝謝！
龔成老師答：
比亞迪（1211）是母公司，業務有電動車、手機組裝、電池、雲軌。比亞迪電子（0285）是子公司，主力手機組裝及電池。
兩間都是有潛力的公司，我自己較看好1211，因為電動車是一個大方向，佢將會成為世界數一數二的龍頭，但要多年後，所以我持有的1211，大部分都等收成期（即是電動車普及時）才會賣出。（對照龔成信箱Q4334）
到底轉熊未
問 7：
你認為現時的市況係咩情況，轉熊未？
龔成老師答：
未轉。其實我唔太著重預期，反而會評估現時的平與貴，恐慌與狂熱，從而作出買賣決定，至於之後的走勢，好少預測。（對照龔成信箱Q4335）
有成長潛力的股票
問 8：
請問應該如何搵出優質又有成長潛力的股票，投資人應該係邊到留意咩資訊。
當然，你本50優質潛力股都好有用，會唔會再印新版，市面上好似唔係好多。謝謝！
龔成老師答：
要找出優質股與潛力股，會從企業的基本面進行，企業的業務有優勢，前景向好，當各方的指標都合符選股原則後，下一步才是睇股價，以確定現時處平貴水平，才決定入市策略。
《50優質潛力股》其實已是第3版，但相信會再加印的，因為有些書店開始有斷貨情況。（對照龔成信箱Q4336）
匯源果汁點睇
問 9：
老師，想問下隻1886
龔成老師答：
匯源果汁（1886）有少少保留。
從企業的質素來說，匯源是不理想的，盈利能力弱，成本控制造得不好，業績不止愈來愈差，而在年報中，更看不到管理層提出任何具體的解決方法，這是相當令人失望的。
因此老實說，我自己對現時的匯源評價就較差，唯一欣賞的就只有品牌。如投資這股，會以「跌好多才考慮」的策略進行。（對照龔成信箱Q4337）
有樓市值1200萬已Full play
問 10：
龔成兄: 想請教，小弟有樓市值1200萬已Full play，但自己人工得兩萬，近年買股方法又買錯導致蝕了很多，想在層樓套番100萬出黎，買你推介既好股，是否好方法？
龔成老師答：
如果我係你，一定會大力提升自己的投資知識，無論睇書上堂都會去，因為在你的資產負債表中，已有過千萬資產，只要好好利用，就算只將其中的$600萬作投資，爭取一個低風險的回報，例如5%，一年回報都有$30萬，一個月都有$25000，比你人工仲多，所以，你一定要學懂點樣善用資產。
記住，投資知識行先，當你有知識後，進行計劃就好得多。
將物業套現是好方法，但你的投資技巧可能不高，因此現階段不宜太多，$100萬可以的。但只可投資收息股，因為原理是創造被動收入。
買入收息股，長線投資，只要股票優質，基本上好難蝕，你可以不斷收取當中的股息收入。我推介過的收息股，你當然可以投資，但你都要自己分析一下這股的質素、股息率是否吸引。同時，應該用平均入市法買入這些股。（對照龔成信箱Q4339）
編按：龔成是於公屋長大的80後青年，畢業後於銀行從事投資相關工作，雖然月薪僅萬多元，但因為理財及投資有道，只花五年時間，於28歲已累積到100萬元資產，目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》，並出任創富課程導師。
facebook專頁：facebook.com/80shing
個人網站：80shing.skx.io/
延伸閱讀：
90後有$9萬積蓄 想用$6萬投資錢搵錢
