【買樓真係好?】做業主表面風光 內裏坎坷 網民:供樓供到70歲 唔可以比人炒 壓力大到有焦慮

新業主呻買樓不似預期 供到70歲、不可被炒、壓力大到有焦慮 網民勸無謂強求上車:勉強無幸福

樓市

廣告

疫情下樓價回落,不少人形容現時是入市「小陽春」。買樓買得早,一世無煩惱?到底做業主是否真如人生贏家?近日就有網民分享自己買樓的心路歷程,結果不但並沒有如旁人想像般風光,更認為自己慘遭折磨…

撰文:經一編輯部|圖片:unsplash、香港討論區截圖

該名苦主於香港討論區以做到業主真係咁開心?? (情緒篇) 為題開post,指自己近期成功上車,購入一個有30年樓齡的居屋單位,豈料卻是惡夢的開始…

新業主呻買樓不似預期 供到70歲、不可被炒、壓力大到有焦慮 網民勸無謂強求上車:勉強無幸福
圖片來源:香港討論區截圖

剛剛買樓的新業主:覺得好似ALL IN咁,有咩事就一鋪清袋

買樓不但耗盡樓主的畢生積蓄,更須供樓至70歲,意味著期間須有穩定工作收入來維持供款,否則一旦被辭退將血本無歸。然而,以上所言卻只是惡夢的一部分,樓主其後指自己因買樓而壓力大至懷疑自己患上過度焦慮症:

擔心份工唔穏定 心理壓力好大

而且樓齡又有返咁上下  𠵱家間樓有少少問題都好緊張,(例如少少滲漏、入水等)一直情緒好差

覺得好似ALL IN 咁  有啲咩事就一鋪清袋 覺得付出咗咁多都唔能夠「安居」,我覺得我已經有過度焦慮症

樓主其後更與從前租樓作比較,指租樓反而輕鬆得多。

以前租樓,唔鍾意咪搬囉,心理壓力無咁大。

買樓無非想擁有一個安樂窩,不但須奉上金錢和大半生來供款,豈料卻連精神健康都賠上,難怪事主需向眾網民求救。廣大網民的部分留言節錄如下:

供多2年你就會覺得今日嘅自己好傻。

買樓最難係首期(假設冇人幫),供樓講真唔覺得難,難聽啲講2個人做看更都供得起。

買樓再辛苦點都係自己嘅

其實有能力上車 已經比好多人幸福

【買樓真係好?】做業主表面風光 內裏坎坷 網民:供樓供到70歲 唔可以比人炒 壓力大到有焦慮
圖片來源:unsplash

有部分網民勸勉樓主堅持,指來日方長,將來便會感受到買樓的好處。的確,作為剛上車的業主,面對新的環境和供款難免需要時間適應和消化,何況買樓是長期投資,可能正如網民所言,目光須要放得更長遠吧。

供樓成工作緊箍咒

除此之外,有部分網民亦對樓主的情況感同身受,指上車後對工作的依賴更大,更隨時變成公司的緊箍咒。

有啲公司知你買咗樓 大把說話你聽 日日恐嚇你 所以心理壓力一定有

睇死你唔敢走 乘機畀多啲嘢你做

畀公司勒住條頸

所謂買樓容易供樓難,面對幾十年的供款談何容易,工作稍有差池都令人擔心不已,要轉工甚或轉行比其他人更困難,而且擁有更多包袱,這些業主背後的辛酸確不為外人所道。

【買樓真係好?】做業主表面風光 內裏坎坷 網民:供樓供到70歲 唔可以比人炒 壓力大到有焦慮
圖片來源:unsplash

網民:買樓始終好過租樓

隨後,網民的討論焦點轉移到租樓與買樓何者比較好的問題上,反映出現時「磚頭」對港人而言的價值:

  • 「你再租多幾年樓,你就知道」
  • 「你今日咁諗係幾蠢嘅事,樓價升值隨時賺返你幾年的租金及本金」
  • 「到你70歲 你估仲有冇人肯租樓俾你?」
  • 「租樓只係幫人供樓」
  • 「如果租樓住 有咩賠返錢畀業主就算 煩少好多嘢」
  • 「若然提心吊膽 當交租三年再賣出去 又可以輕鬆返」

租樓好?還是買樓好?相信對不同人來說將會有不同答案,但可以肯定的是,買樓或租樓首要必然要住得安心,否則提心吊膽,又有甚麼意義呢?正如其中一位「心水清」的網民的留言所指:

何必強求,勉強無幸福!

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看

圖片來源: