定期

港男賣樓袋800萬轉高息定期 一年食息38萬!網民質疑跳錯車:交租都無咗7成

樓市熱話

廣告

上車夢人人都有,但做業主是否一定開心?有網民分享自己的故事,指去年將價值800萬的物業沽出,現用作做高息定期,夠生活亦有賺。有人質疑文中主角這一年來居住何處,又認為他現只屬一名「租租」,沒賺之餘根本倒蝕。

定期
(圖片來源:中新社)

賣樓套現800萬全數做定期?

有網民在香港討論區以「今日將上年賣樓800萬全數做定期,有4.7厘,接近38萬利息。」開帖發文,指自己去年賣樓後將該筆錢用作定期。

該網民說:「800萬,一年4.7厘,38萬利息。基本上唔大使夠生活。如果定幾年夠full pay 一個小單位。如果冇賣樓,層樓得返600萬,仲要每個月收得13/14000租,扣雜費實得11/12000,一年最多14萬,前後唔見800-600+38-14=224萬…」

定期
(圖片來源:新傳媒資料室)

反對派:質疑「跳車」做定期是否好選擇

帖文引起多位網民加入討論,有人對樓主過去一年居所感到好奇,質疑變賣物業後,既要租屋又有別的東西要花錢,計算後認為「根本倒蝕」;惟文中主角則認為自己「走得快好世界」,無視別人眼光。

  • 「銀行存款保障$500000。」
  • 「結論,上年賣800萬層樓,你一年後先成交?如果你唔係一年後先成交你點做到4.7里息?正常上年賣樓就上年成交,當時0.25里息,咁你上年賣左層樓成年無樓住真空期你住喺邊?仲有賣樓又唔使比1%地產?唔駛比律師費?又當你今個月先做4.7里定期一年,上年賣樓要租屋一年而今個月先去做定存一年咁即係你前後要交兩年租,而租樓亦要比佣地產,啱唔啱?賣樓從新租屋又要買一些簡單家具需唔需要?一年後你保証定存利率百分百在4.7里(厘)或以上?」
  • 「咁你而家住緊咩 ? 租 ?」
  • 「個個都可以睇得咁準世界就無窮人。」
  • 「未計賣左樓要交租果筆wo。 交多幾年唔見一球。 重新上車印花稅,佣金。 除非長期租唔上車。」
  • 「醒目嘅梗係按咗幢樓,用2厘幾利息成本錢去做做5厘+定期,然後繼續收租或自住,食佢兩家茶禮。」
  • 「年頭800萬買熊執幾千萬添。」
  • 「賣咗樓瞓街先可以吧。」
  • 「租樓Cheap cheap當你13000×12=156000, 未計其他,仲剩低幾多?」
定期 unsplash@kencheung
(圖片來源:unsplash@kencheung)

支持派:我都係類似咁做

支持的網民亦不少,有網民分享自己和主角一樣亦是手持現金為主;另有網民讚賞主魚「跳落車唔係人人有呢份勇氣」。

  • 「睇啱市做啱決定好重要…..跳落車唔係人人有呢份勇氣」
  • 「無錯,我都係類似咁做,慳慳地夠生活。」
  • 「新時代,唔會再有人投資不動產,係嗰啲舊嘅投資概念嘅人先至會買樓投資,而且樓市很定會繼續向下,反而會損失資本。」
  • 「應該可以有兩三年高息收入,打後都係3%左右!」
  • 「樓主好厲害,上年高價賣完層樓乜都冇投資,再唔受銀行誘惑今年幾次加息都唔理,等到10月銀行定存做4.7厘一炮800萬做一年定期,佩服。」
  • 「真正結論係上年或者今年上半年走咗貨都係好事,但換回來的現金唔可以有風險股票,到呢一刻基本上就算做唔做定期都已經成為一個小贏家。」
  • 「師兄真係幸運,全數800萬做定期賺多多,上星期曾多口問過銀行投資部員工,佢話而家做定期上限只可以400萬。」
  • 「其實樓主嘅意思係喺呢一刻持現金收息好過揸物業,呢一點我都係認同嘅,不過喺單一層自住樓立場來講,係現階段冇供樓壓力底下叫佢哋突然賣咗層樓去銀行收息再租樓住係一個人生好大嘅決定,冇人可以真正預知未來,一買一賣涉及到好多唔同嘅費用呢啲都係一個成本。」「
  • 我感受到樓主出發點係好心感覺個市下跌,所以鼓勵啲人現在唔好買樓先把錢放入銀行收息,而我自己覺得我係有需要,所以無論升跌都仲係要持有物業去令身邊嘅人舒服同安心,自己希望下一代同日後我唔喺度時老婆都總算有瓦遮頭,唔使擔憂住屋問題。」

本年至今整體物業成交較去年低逾4成

香港置業研究部董事王品弟表示,據土地註冊處資料顯示,本年至今(截至11月15日)整體物業(包括一、二手住宅、一手公營房屋、工商舖及車位)錄54,084宗註冊,較21年全年的96,133宗減少約43.7%。

一手私樓市場方面,本年至今錄9,760宗註冊,較21年全年的17,475宗減少約44.1%。一手公營房屋方面,本年至今錄538宗註冊,較21年全年的851宗減少約36.8%。

二手住樓市場方面,本年至今錄33,117宗註冊,較21年全年的60,332宗減少約45.1%。非住宅物業方面,本年至今錄10,669宗註冊,較21年全年的17,475宗減少約38.9%。

定期
(圖片來源:新傳媒資料室)

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

而何謂新資金呢?

「合資格新資金結餘」是指最新存款總結餘,每間銀行都有機會定義不同…詳情請看

在開立新戶口時有什麼需要留意?

有些銀行開立/定期存款優惠有不同的要求,例如僅限指定客戶、新客戶或新資金等,所以在開立戶口時要留意看清楚。

圖片來源:中新社、Unsplash@Alexander Grey、新傳媒資料室、unsplash@kencheung、Unsplash@Ibrahim Boran、Unsplash@Towfiqu barbhuiya