一家四口連工人 正常要住幾大 網民：起碼要有兩廁
撰文：經一編輯部｜圖片：Baby Kingdom截圖、Unsplash
最近在Baby Kingdom討論區有網民問大家一家四口連工人需要多大的居住空間，他指自己想換樓，但發現原來買500呎左右的單位都要每個月供14,000元，他想換樓卻比以前需要供更多。
網民意見偏向一家四口連工人需住500至800呎
網民紛紛留言分享自己的情況，一家四口加工人，有人住約實用800呎，有人住實用650呎，亦有網民分享自己一屋四個人加一個工人亦只住300呎，但普遍答案都在500至800呎的範圍內。
一家四口加工人，理想要有三房兩厠加工人房，普遍實呎800以上。
大多網民都傾向一家四口加工人最好有3房2廁，但當然，到最後亦要「睇餸食飯」，因應自己的能力去選擇。
睇餸食飯，我朋友早2年買400呎左右，間左3間房，佢一家四口加埋奶奶同住，又冇話唔得嘅，迫少少，個廳細啲。
另外，網民亦指，其實每個月供14,000元已經不算多，在香港來說已經是正常價錢。
實呎650，三房二廁，供一萬尾，兩大兩小加姐姐。其實供萬四好好了，仲平過租。
一家四口加姐姐住500，好似有啲迫，另外每月供萬四以HK來講，都算普遍。
工人需要有獨立廁所？ 網民：我兩個仔從來唔同姐姐用同一個廁所
有網民留言指自己一家四口加工人，正在住實用650呎的單位，而他認為人多需要有兩個廁所。有網民指，有工人則必需要有兩個廁所，他更表示自己兩個兒子從不會和工人使用同一個廁所，所以工人有一個獨立廁所。
有姐姐一定要有兩個廁所，我兩個仔從來唔同姐姐用一個廁所，變相姐姐有獨立廁所。
但隨即有網民認為小朋友是被寵壞才會拒絕和工人使用同一個廁所，認為工人是下人。
寵壞咗，或者由細到灌輸咗比小朋友工人係下人的概念。
根本就係啦，我都廢事講，又唔見呀媽用過個仔唔再用，真係當自己王子公主咩？
網民回應指兩個兒子和工人關係很好，但只是性別不同，不會和她共享廁所。同時，亦有其他人同意工人需要有獨立廁所，因為不清楚工人姐姐的私生活。
咁又唔係咁講，我自己都唔想同工人同一個廁板，老實講句唔知姐姐私生活係點 ，有得分開都係分開好。
