返工塞放工塞 住屯門返觀塘等於蹉跎歲月?網民大呻:每日搭車個時間夠用嚟讀Online degree

住屯門返觀塘等於蹉跎歲月?返工塞放工塞 網民大呻:搭車時間夠用嚟讀Online degree

社會熱話

廣告

大部分打工仔每星期起碼要返工5日,因此上班地點對他們而言,是搵工的重要考慮因素之一。日前,有人於討論區內開post提出住屯門返觀塘算得上是蹉跎歲月。此帖一出,引起網民熱烈討論,大部分人均認同樓主的講法,惟有網民卻認為真正的問題是源於屯門公路。

撰文:經一編輯部|圖片:政府新聞網

樓主:住屯門返觀塘,算唔算蹉跎歲月嘅一種?

日前,有人於連登討論區以「住屯門返觀塘,算唔算蹉跎歲月嘅一種?」為題,開post討論返工地點的重要性。該樓主表示,自己住屯門,於觀塘返工,有日上司問他「點解咁唔珍惜生命?」。樓主決定開post討論住屯門返觀塘,是否算是蹉跎歲月。

他說:「返工塞、食飯迫、放工塞,人生佔咗9成都係同陌生人迫沙甸魚。」

住屯門番觀塘等於蹉跎歲月?網民:每日搭車個時間夠用嚟讀Online degree
樓主表示,住屯門返觀塘,返工塞、食飯迫、放工塞。(圖片:政府新聞網)

網民齊撐樓主 大呻住屯門返觀塘的辛酸

不少網民都認同樓主的觀點,更紛紛大呻住屯門返觀塘的辛酸。有網民指,每朝都要6點半起身搭車返工,收工則要避開人流最多的時段,通常會在外面吃飯之後才搭車回家。

  • 「屯門返觀塘,每日6點半要起身坐258x。收工通常周圍食嘢,食埋先返屋企,無咁迫。」
  • 「我都係住屯門,之前返港島東…跟住轉咗去九龍灣…諗住唔駛過海會好啲….點知仲衰…」
  • 「好頹,做咗兩年半觀塘都頂唔順Quit咗,日日來回3、4粒鐘,仲未計塞車。放工會睇google map ,見到淤紅色路線就會食埋晚飯先搭車。」

亦有網民指,如果鍾意聽歌、玩手機,塞車尚算可以接受,惟最慘每日都要早起身。

「本身鍾意聽歌,玩吓手機。嗰個零鐘聽吓歌…都差唔多落車。係朝早要咁早起有啲唔爽,因為早十幾分鐘同遲十幾分鐘嘅龍翔道真係差天共地,日日都係嗰個時間塞咁滯。」

住屯門番觀塘等於蹉跎歲月?網民:每日搭車個時間夠用嚟讀Online degree
圖片:政府新聞網

網民:每日搭車個時間夠用嚟讀online degree

雖然有網民提出屯門有巴士能直達觀塘,但有人直言,就算搭一程車,屯門公路塞完就到觀塘塞車,等於「一程車打兩個boss」。

又有網民笑言「每日搭車個時間夠用嚟讀online degree」、「搬屋係唯一選擇」;有網民笑指住屯門的打工仔「樓下做保安算啦」。

返柴灣仲慘?真正的問題在於屯門公路?

雖然有打工仔大呻返觀塘慘,有人卻認為返柴灣「一頭一尾」更辛苦。不過,有網民認為屯門公路才是問題的根源,因為無論在香港哪一區返工,出屯門一樣要面對塞車問題。

  • 「觀塘唔係問題,屯門公路先係問題。」
  • 「呢幾日少咗人返工,唔塞車。其實返工放工都係啱啱好一個鐘一程,反正屯門去邊都係一個鐘。」
  • 「屯門出CBD(核心商業區)返工不嬲都係遠,唔只係觀塘啦!」
住屯門番觀塘等於蹉跎歲月?網民:每日搭車個時間夠用嚟讀Online degree
有網民卻認為,真正的問題在源於屯門公路。(圖片:政府新聞網)