各行各業「不為人知的黑暗面」:菠蘿殼、蠔殼重用N次!返地盤常用小畫家犯案?

9大行業「不為人知的黑暗面」:菠蘿殼、蠔殼重用N次!返地盤點解要用小畫家?

社會熱話

廣告

香港地生活艱難,各行各業打工仔都有無盡壓力,同時亦衍生出各種行業獨有的黑暗面,不是做那一行的人未必了解。日前就有網民於討論區發文,叫大家分享各行各業的黑暗面,帖文一出,引來大量回應,當中有些與我們日常生活息息相關,睇完簡直會「個心離一離」!

撰文:經一編輯部| 圖片:lihkg、Unsplash

各路專業人士瘋狂作數據

日前,有網民於連登討論區以「入黎分享各行各業嘅黑暗面」為題發文,先指出核數行業的黑暗面,說客戶盤數亂到「九唔搭八」都可以出到報告,然後拋磚引玉。

9種行業「不為人知的黑暗面」:菠蘿炒飯個殼重用N次!醫生護士冇朋友做?返地盤常用小畫家犯案?
樓主以核數行業拋磚引玉

帖文一出,各路專業人士都紛紛出來表示,給客戶的東西都是十分「俹簁」便交貨:

  • 「IT:寫proposal時有晒testing plan,但完全冇test過就畀客。」
  • 「紡織:其實d紡織品做完係要經過好多tests,但唔合格間廠好多時會自己改番合格,結果奶晒野就會開始推責任,做野可以話係非常俹簁。」
  • 「其實公證行都一樣,香港好多檢驗野都係作數據。」
9種行業「不為人知的黑暗面」:菠蘿殼、蠔殼重用N次!返地盤常用小畫家犯案?
菠蘿殼、蠔殼重用N次!

菠蘿蓋、田螺殼會重用

除了專業人士之外,有些行業的黑暗面與我們息息相關,有網民分享餐廳的菠蘿蓋、蠔殼、田螺殼會重用:

「飲食:菠蘿蓋、蠔殼會重用。」
「田螺殼好多都會重用,啲肉係急凍,放落去。」

9種行業「不為人知的黑暗面」:菠蘿炒飯個殼重用N次!返地盤常用小畫家犯案?
菠蘿炒飯個殼重用!

不過有網民為菠蘿平反,另外有網民就想到對策對付重用菠蘿:

  • 「之前返嗰到用新鮮菠蘿根本無必要走去重用。」
  • 「食菠蘿炒飯會鋤爛個蓋。」

亦有網民指出日本魚生比我們想像中污糟:

  • 「魚生真係好X污糟,日本人真係冇你以為咁乾淨。」
  • 「我公司喺日本同香港都有工場,我兩邊都去過,你哋眼中好高級嘅食材其實係喺一個環境一般嘅地方加工出嚟,而且啲”高級”師傅喺衛生方面真係求X其。」
9種行業「不為人知的黑暗面」:菠蘿殼、蠔殼重用N次!返地盤常用小畫家犯案?
有網民指出日本魚生比我們想像中污糟

醫生、護士從來不是朋友?

亦有網民聲稱在公立醫院,若認識醫生,便可以預約任何檢查,更指醫生和護士從來不是朋友:

  • 「即使係公立醫院,只要識醫生,咩檢查都會幫你book。跟住有啲醫生恃住同公立醫院醫生熟,有門路,就會叫幫私家啲病人book啲檢查,錢就照收,但最後都係納稅人畀錢。」
  • 「同埋醫生從來都唔係護士嘅朋友,愈做得耐嗰啲愈唔信啲醫生,因為最後食屎都係護士。」

做地盤經常要用小畫家?

另外有網民就表示,做過地盤才發現原來小畫家很好用,因為:

  • 「做地盤先發現原來小畫家係咁好用,改圖,改pdf,簽名,改report。快靚正,因為通常地盤都無啲好高階既畫圖電腦,所以小畫家係你既好拍檔。」
9種行業「不為人知的黑暗面」:菠蘿炒飯個殼重用N次!返地盤常用小畫家犯案?
返地盤經常要用小畫家?

此外,做地盤亦經常要請客食飯!

「同inspector收貨最緊要請飲茶請食飯,到今時今日有啲老派inspector食lunch high tea都可以1個仙唔洗俾,秤手老總科文呢啲食咖哩就好正常,秤手份咖哩應該多過佢份糧。」

律師幫罪犯打官司好黑暗?

亦有網民就覺得律師聽完犯罪過程仍要幫客戶打官司好黑暗,不過其他網民就表示這是律師職責:

  • 「律師:聽完Client講哂成個犯罪過程岀黎,都要諗辦法幫佢打甩。」
  • 「常識喎,律師既工作就係幫Client作個合法既故仔出來啦。」
  • 「呢個唔黑暗啦,職責來。」
  • 「季炳雄請中你打官司都要幫佢打甩。」