小編本週精選﹕​5​大必淘物品​ (女士篇​)​

社會熱話

廣告

10月又到,係時候轉季喇!小編又要瘋狂買衫過冬,所以呢排係咁淘寶!結果,除左衫之外,仲淘左好多唔同平、靚、正既寶物返屋企!加上而家人民幣跌,淘寶又平左喇,小編而家揀左​5樣性價比最高既產品同大家分享下啦!

1. ​i​P​hone 螢幕保護貼

小編好鬼輪盡,隔一兩日就會跌電話,所以個玻璃MON貼
​三日唔埋兩日就會碎左。開頭都會係街買貴野,但其實貴野同平野一樣咁易碎,所以都係買返平野算。但其實係街買最平都要成30蚊一張,都唔平架!所以小編就會淘MON貼!呢隻​iP​hone 6全屏MON貼只係14.9蚊人仔,再加買二送一,一張先9.9人仔。計返港紙先12蚊,仲要送埋乾濕紙巾同貼紙比你痴塵,真係抵到爛呀!小編回購過N次架喇!

2. 亞加力膠透明收納盒

大家有係某個冇LOGO既大型日本品牌店個陣,應該都會發現一款透明盒好靚同好實用!但價錢都好靚,動輒都過百,小編其實都幾唔捨得!而且D尺寸又好似唔係好Fit,所以最後都冇係冇LOGO日本店買。點知比小編發現淘寶有間店有賣相似既款,呢款兩層櫃桶仔只係60人仔,圍返港紙係73蚊咋,仲有得訂造唔同Size!啱哂小編要求,真係冇得輸!

3. 手機掛臂袋 (跑步用)

好多女仔夜晚都會去跑步keep fit,但手拎住電話又麻煩,唔拎又危險!所以好多時要用呢D手機掛臂袋,但小編又嫌媽媽個D款老土,鍾情透明款,但係街買要成80蚊又覺得唔抵。係淘寶見到呢款透明靚靚掛臂袋(有粉紅色)即刻心動,靚之餘仲要平!
​iP​hone 6可以用細款,細款只係9.9人仔,即係港紙12蚊,而大款都係18蚊港紙,抵到呢(心心眼)!

4. 卡通曲奇餅模

小編得閒都會整下餅,不過通常都係就咁整圓形,因為好少係街到見到又平又靚既模。點知有日男朋友無意間讚一位女性朋友整既餅好靚,話小編整黎整去都係圓形冇新意喎!小編谷鬼氣就周圍睇下邊到有靚餅模賣,跟住又係淘寶見到正野。一款係13蚊人民幣有四件模具,即係平均一件只係4蚊港紙;另一款就逐件計,都係由4蚊港紙起跳,真心覺得平、靚、正!

5. 哈佬喂服裝

最後,十月當然唔少得去HALLOWEEN PARTY啦!小編年年見到d女仔扮鬼扮馬去PARTY玩,覺得好靚好有心思!但小編成日覺得呢d服裝好貴,而且一年著得一次有d唔抵,所以一套都冇買過。但小編無意中發現淘寶有呢類服裝賣,仲耍連埋d道具!咁先85蚊人仔,港紙先104蚊,平平地買一套黎玩下係個唔錯既選擇!