換取最大回報 一注資金收10厘幫補生計
你好，本人有一投資計劃上週已決定並申請，但有感這計劃或許不是太好，怕投資錯，想請問諗sir意見以作決定。
本人剛買入居屋單位，作價460萬元，按揭360萬元，分25年還，月供約16,000元。
本人月入20,000元，丈夫月入24,000元，有一女兒三歲半。
由於買樓後的每月支出，會由原先約30,000元變成46,000元，所以希望用手上現金150萬元做增值，每月可多約8,000元收入以應付支出，因不想一上樓就窮到無生活一般。
本人的計劃是購入基金A，每年據資料，可收息約4到4.7厘。
知道有一些投資有10%回報，但風險也可能相對高！本人期望能讓女兒未來有機會出國讀書，本金就只有這150萬元，不想有失！望給意見！謝謝！
讀者May
讀者考慮的基金唔算太差，由於保守類債基多數是用A級或以上國債為主，差極有譜。
唔好處係跟讀者心想的8,000元月入，一年96,000元之數目頗有距離。
基金A一年只予4至4.7厘息，150萬元投入，一年只收逾60,000元；離目標仲有成50%咁多！
當然債基亦不是高派息就一定好，睇得本欄都知，筆者有不同債基套餐助產出20至25厘息，惟讀者資金有限加上收入一般，太進取的策略並不適宜。
可選擇的是收息101的套餐E，一年收息10至12厘，150萬投入可產出12,500至15,000元月息，可助改善讀者生活。
至於債基，假如入手後跌少於35%，基本上未要call loan。
不過亦有一點要先說明，若不容有失，只可做定期或買iBond，但如要收10厘息，就需要拎小小風險來換。
筆者教嘅就係點換得精明，即係投資人如肯付1%的潛在跌幅，可助你找對投資物換取最大回報。
讀者可以將錢分段買入，減低風險。同時亦須兩手準備，搵好一pair基金助你應付好市、壞市，俾自己多一個選擇。
除賣走減倉外，可將錢轉到較低風險基金收住息去略減風險。
另建議讀者拓寬投資視野，不要終日只想150萬元點搞到最好，而係應該搵個幫手，幫佢儲多個150萬元。
讀者人工一般，而儲蓄只勉強，在收入不增情況下，要成功在社會上游必須靠樓。
社會不少人上游都要靠樓，其實靠搬弄價格或炒賣賺錢，對社會有害無助，惟筆者可選擇的項目不多。
努力將150萬元產出作首期，三至四年後再用夫婦其中一人單名買樓為上策。
150萬元收三年息都50萬元，到時再由另一位買樓收租。當然把自住樓出租是犯規，讀者要學好處理。
而多一個租客，亦表示多一個人為家庭儲錢，十年過去，不難發現樓房所儲的，已經夠女兒放洋之用。
做好這點，好過多花時間盯死手上之150萬元。
基金可不用取消，現時最好想清未來幾年點走及堅決實行。
最後奉勸大家不要對「撤辣招」有憧憬，香港政府由2000年前至今只會加買樓印花稅。
事實上，政府亦唔想為「撤辣」負責，總之做得好無人讚，而做錯就要忍受市民狂鬧，我係林鄭都唔搞。
延伸閱讀：
夫婦二人月搵 $58,000 睇中$315萬元朗舊樓買唔買好
