散水餅送M&M、嘉頓什餅未算誇張 被「炒魷魚」應否派散水餅?網民:原來被炒都要多謝人?

散水餅送M&M、嘉頓什餅未算誇張 被「炒魷」應否派散水餅?網民:原來被炒都要多謝人?

社會熱話

廣告

新冠肺炎疫情的出現,各行各業大受影響,部分企業甚至裁員。對打工仔來說,離職前最麻煩的莫過於是派散水餅的問題,派又煩,唔派又煩。更有人話,派散水餅是一門學問。早前,有網民於討論區發文,討論被「炒魷魚」應否派散水餅,以及曾經收過最廉價的散水餅。

撰文:經一編輯部| 圖片:Unsplash、Wikipedia Common

事實上,派發散水餅是香港的職場文化,原本的用意是答謝同事的照顧。不過近年,散水餅卻漸漸失去原意,甚至會被同事比較散水餅的的價格,派得普通分分鐘會被認為Cheap。如果不派散水餅,又會有同事認為不體面。

散水餅送M&M、嘉頓什餅未算誇張 被「炒魷魚」應否派散水餅?網民:原來被炒都要多謝人?
圖片:Unsplash

早前,有網友於連登討論區開post,討論被解僱的話應否派發散水餅。以下,《經一》為讀者整理網民對派散水餅的意見。

被「炒魷魚」派唔派散水餅?

不是每個人離職時都能夠好聚好散,尤其被裁員,打工仔離職未必是個人意願。這種情況下,有網民以「被炒⋯派唔派散水餅」為題,收集意見,惟網民反應兩極。

派散水餅等於好來好去?

有網民回覆樓主,表示就算被「炒魷魚」,派散水餅是一種好來好去的表現。有網民分享自己的經歷

「我會選擇照派,始於返工老細有俾機會我學嘢,唔派對老細唔住。」

甚至有網民稱散水餅是「唔慳得」,指「上一份工做咗三日,俾人叫即刻執嘢走,執完也都嗱嗱林落去買西餅派,呢樣嘢唔慳得」。更有網民誇張地指:

「我試用期嗰三個月日日帶定一打西餅番工,萬一做錯野俾人炒都唔會冇餅派咁失禮。」

散水餅送M&M、嘉頓什餅未算誇張 被「炒魷魚」應否派散水餅?網民:原來被炒都要多謝人?
圖片:Unsplash

衡量與同事相熟程度 再決定應否派散水餅

不過有網民表示,派散水餅應該視乎行業職位,以及與同事的相熟程度。有人留言指:「有機會再返去做就派下say個bye,好憎班人就算啦,反正過兩個星期無人再記得你。」

「重點應該係你仲想唔想保持同同事嘅關係,如果日後有機會再見嘅話可以照派嘅。」

又有人表示如果該公司內的人脈十分重要,未來會繼續聯絡的話,就應該派散水餅。

散水餅送M&M、嘉頓什餅未算誇張 被「炒魷魚」應否派散水餅?網民:原來被炒都要多謝人?
圖片:Unsplash

被「炒魷魚」太嬲 不應該派?

雖然有網民認同派散水餅是有禮貌的表現,卻有打工仔認為被「炒魷魚」,無必要派散水餅。有人回覆樓主,表達憤怒:

「原來被炒都要多謝人,唔爭在同老細講:好多謝你炒我呀,我覺得被你炒真係我嘅榮譽。」

「如果同啲同事關係好加正常Resign咁我覺得派都合理,個老細咁玩我一鑊,條氣真係好唔順。」

散水餅送M&M、嘉頓什餅未算誇張 被「炒魷魚」應否派散水餅?網民:原來被炒都要多謝人?
圖片:Unsplash

不會有人在乎散水餅

其實,派不派散水餅是打工仔的個人決定。有網友指出,並不會有人在乎散水餅,更強調「你走咗,人地轉個頭已經唔記得你啦」。有人更直指:

「你就算派咗又如何?唔會因為你舊餅對你印象改觀。 不如慳番用嚟搵工。話唔定指你出嚟果個係同事,令你冇咗份工。」

有網民亦笑言,「年年咁多人出出入, 唔派反而仲多人記得。」

最廉價的散水餅?

對於應否派散水餅,網民的意見兩極。不過,散水餅有市有價,買得廉價,分分鐘會被同事議論。在論壇上,亦有網民分享收過最廉價的散水餅

散水餅送M&M、嘉頓什餅未算誇張 被「炒魷魚」應否派散水餅?網民:原來被炒都要多謝人?
圖片:Unsplash

1. 跌爛的西餅

有網民分享,實習last day向公司同事派散水餅,卻意外被人撞爛,最後有同事幫他用筷子將那些西餅「整番靚少少」。該名網友表示,他最終「面都紅埋」,照樣向同事派發「撞爛咗嘅散水餅」。

2. 零食

不想買西餅當散水餅?有網民表示,自己曾經將一大包餅拆開,向同事派發一袋獨立包裝的餅仔,亦有人將「嘉頓什餅」派給同事。

有人指自己試過派M&M,每人分幾粒當散水餅。甚至曾經收過「一人一粒魚仔餅」,有人留言回覆,質疑送一粒魚仔餅是「小學畢業散水」。

散水餅送M&M、嘉頓什餅未算誇張 被「炒魷魚」應否派散水餅?網民:原來被炒都要多謝人?
圖片:Unsplash

3. 蛋撻

有網民指,最廉價的散水餅莫過於是蛋撻,因為價格便宜;當然有人反駁,指「你以為而家蛋撻好平」。

散水餅送M&M、嘉頓什餅未算誇張 被「炒魷魚」應否派散水餅?網民:原來被炒都要多謝人?
圖片:LS lfibywkjas, CC BY-SA 4.0, via Wikimedia Commons

4. 唔派散水餅

不少留言的網民表示,派散水餅並非「老奉」。有人指,自己向來都不會派散水餅,因為散水餅的價格高,分分鐘是一日人工:

「送一送搵間好好睇睇,十幾廿人嗰到成幾舊水,白做一日。」