無視家人反對 誓要買樓搬出去 網民終與同住父母斷捨離:簽約後內心好空虛

社會熱話

廣告

作為打工仔,人生可能只得一次買樓機會,尤其是在樓價急升年代,每次置業都要精打細算,確保有足夠資金周轉,以免在買賣過程大失預算;對於一直跟家人共住的新晉業主,更可能需要有「斷捨離」的自立準備,不要讓置業後的生活成為重擔。

撰文:經一編輯部| 圖片:unsplash、連登討論區

樓主:「成個人好空虛」

有人認為,買樓支付首期後,銀行戶口儲存被掏空而感到不安、無助;亦有人會擔心入市後樓價升跌賺蝕。

日前,網上討論區亦有網民就買樓問題訴苦,分享「簽臨約後有感」,表達決定買樓後所面對的家庭問題。

樓主在帖文表示,最初新婚時,自己和老婆跟家人同住,一起進行家居佈置、為睡房裝修、用心添置傢俬,即使要跟自己父母同住,仍然相處融洽。

事情發展是各人一直都和平共處,直至早前樓主認為自己都有能力上車,是向家人表達買樓想法。

誰知樓主家人表示反對:「無啦啦用舊錢買樓,又唔係相處有問題。」

有網民分享「簽臨約後有感」,表達決定買樓後所面對的家庭問題。(圖片來源:連登討論區)
有網民分享「簽臨約後有感」,表達決定買樓後所面對的家庭問題。(圖片來源:連登討論區)

面對突以其來的反對聲音,樓主跟家人開始出現衝突:「果刻我仲話佢地『廢老』,而家邊有人會同屋企人住,有能力梗係分開住。」

其後,樓主不理家人反對,堅持完成置業夢想。

不過,當樓主簽妥臨時合約後,慎時覺得「個人好空虛」,這種感覺並非來自買樓開支和按揭壓力,而是自己跟家人的意見分歧及往後生活轉變。

堅持買樓決定 事後被內疚感控訴

樓主憶述:「簽完果吓,我先係度諗,我搬咗出去,得返兩老自己住。而佢地等咗咁耐,到我結婚可以一齊住嘅時候,我就轉個頭搬左出去住。」

雖然大家就居住問題引起爭拗,但樓主母親反話來道出內心話,「後來我媽眼濕濕咁同我講,佢點都會支持我,我唔夠錢佢都可以幫我。話我鐘意番黎住就住。」

至於樓主父親亦願意平息干戈,叮囑樓主日後獨立生活萬事小心:「我老豆平時都唔出聲,佢都話佢大個仔啦,你都要自己獨立。」

對於簽約買樓後,樓主內心的空虛感,很大程度是來自與家人分離、開始新生活的情感。

「老豆都80幾歲,佢好多時喺樓下睇住我同我老婆搭車番工,諗返起都好cute。」

樓主坦言「打緊呢段野都眼濕濕」,最後不忘提醒大家「珍惜自己屋企人,唔好到你要同佢地分開嘅時候先唔捨得。」

網民認同,成家立室係必經階段,要珍惜與家人相處日子。(圖片來源:unsplash)
網民認同,成家立室係必經階段,要珍惜與家人相處日子。(圖片來源:unsplash)

網民:搬出去住講到永別咁

事情最後完美落幕,有不少網民認同樓主所言,成家立室係必經階段,要珍惜與家人相處日子,但人總是要向前看,不用太過憂心:

「呢個世界不知幾多人成家立室之後,一年淨係見一兩次父母。」

  • 搬出去住講到永別咁
  • 搬出去咋喎,生離死別?
  • 成家立室係必經階段,你搬屋啫,唔係移民
  • 錢都比咗,唔好回頭望
  • 你咁重視兩老,不如多啲去食飯傾偈仲好
  • 搬咗之後你同屋企人關係會仲好過以前
  • 兩老一定會搵到適應方法,始終做咗咁多年人

「香港樓係唔適合一齊住」

亦有人認為樓主經歷或多或少反映對家人的內疚,笑言他感情豐富,要學懂自立、長大:

  • 你地成家睇真情係咪會一齊喊
  • 唔好咁裙腳啦大個仔嫁啦
  • 分開住,住附近就係最佳平衡
  • 無乜野,我另一半都一齊同屋企人住

「香港樓係唔適合一齊住,起碼2000呎或者兩層先會有啲私人空間。」

經過一番議論,討論區有不少跟樓主同樣經歷的過來人。

有網民分享:「阿媽都有畀一舊錢我做首期,佢由頭到尾都好支持我去買樓,但簽完我都覺得好空虛,覺得自己都幾失敗要用佢一大筆養老金黎成家立業。」

溫提:要顧埋另一半感受

相反,有網民認定樓主不應捨棄家人,建議他「回頭是岸」;同時有人提醒樓主要顧及太太感受:

  • 娶咗老婆仲成日想痴住老豆老母
  • 你好似無理個老婆感受,邊有老婆中意同人地老豆老母住
  • 咁你老婆點諗?表面相處得好,唔代表佢唔想二人世界
  • 同家人相處到,一齊住其實好事,慳好多錢同時間
  • 快啲撻訂,之後返屋企同阿爸阿媽一齊住都未遲。