熱門券商大比併

社會熱話

廣告

而家市面上有咁多唔同既券商,唔知大家知唔知究竟佢地有咩分別呢?

1. 一通
所有野都最平,但係個APP相對地冇咁順。早前大升市個陣太多人入市,server好似唔係好頂得順。不過勝在夠平,適合新手細細地玩下,唔使連捱貴佣金。

2. 致富
佢網上落盤佣金係0.0675%,但有最低消費40蚊,個網都幾順,不過APP既報價就有15分鐘delay。

3. 耀才
網上落盤佣金係0.0668%,最低消費50蚊。雖然佢比致富同一通貴,但佢有得玩暗盤。暗盤係新股上市前一日,有一時段比你沽貨同買貨。如果你睇好一隻新股但抽唔到,就可以係暗盤到買!不過要留意,抽新股要比100蚊手續費。

4. 輝立
佢網上落盤係收0.25%,最低收費100蚊,同銀行一樣。同樣又係有暗盤,不過價錢比耀才貴一倍。所以大家識揀啦!

5. 海通, 信誠
呢兩間網上落盤收0.25%,最低收費100蚊。抽新股仲要加手續費,同埋要比存倉費。真係賺得一蚊得一蚊!

7. 凱基
網上落盤收0.25%,最低收費100蚊。抽新股都係要加手續費,不過就唔使比存倉費。

其實又冇話邊間係最好,都係睇返大家既投資金額同會唔會玩埋新股。新手想細細地玩下,一通係唔錯既選擇。起碼唔會出現你帳面明明羸200蚊,但扣埋佣金同稅會倒蝕既情況,仲有得玩埋新股暗盤!