網上熱話｜住宅鐵閘外裝探體溫機　網民：體溫過高唔准返屋企

目前多個處所入口都設有體溫探測機，以滿足政府規定的防疫法例要求，但有住宅單位近日都被發現門外裝有探測機！有網民昨日在Facebook群組「將軍澳討論區」貼出一張照片，顯示在一個疑似公屋單位的門外，鐵閘被掛上一個小型體溫探測機和兩樽疑似消毒酒精。
貼出圖片的網民戲言「體溫過高唔准返屋企」，不少留言都紛紛戲稱該戶主人是否正嚴格執行港府防疫措施，「入屋之後要填申報表、14日有否離開香港」、「入屋探熱，填申報表，scan安心出行，消毒，出示24小時內檢測證明，在房內檢疫14天，之後先開始活動」、「無二維碼呀，可唔可以填個人資料呀」。

此外，更有人形容措施「分分鐘俾有心人借高温不回家」、「所以阿爸日日都話體溫高所以唔返屋企！」不過，有人就質疑單位是否另有用途，「真係屋企？定有生意做緊？方便客人安心出入」、「可能偷雞做補習」。

資料來源：AM730