網上熱話｜入𨋢撳13樓竟在3樓開門　定神一看原來係屋苑嘅錯

社會熱話

May 24 2021

不少人在踏進住宅大廈的一刻，都希望盡快回到家裡放鬆一下。荃灣麗城花園一名街坊日前搭升降機準備返回13樓，詎料升降機門打開時竟身處「3樓」，頓時擔心是否升降機故障而停在3樓，「以為係部電梯壞左，於是又唔敢行返入lift」，遂立即出𨋢準備轉乘另一部電梯。惟當她定神一看，原來升降機並沒有壞，只是牆壁上13樓的「1」字消失了！

事主之後在Facebook群組「麗城花園之友」批評，管理處沒有在此張貼告示或提示通知住戶。有網民戲言以為是一宗靈異故事，「以為講緊靈異野，點解㩒極都係3樓」、「嚇死！變鬼故事了」、「怪不得很多樓宇不設13樓！」對於有網民質疑連自己所住樓層都不認得，事主指當時天未光、沒有留意升降機內顯示，「真係無為意！邊個會諗到個樓層牌竟然會無咁一邊呢。」亦有其他網民表示理解，「唔認得好出奇咩？一打開𨋢門層層都一樣樣㗎啦。」
有網民事後表示，已把事件通知管理處，事主其後致電管理處，獲告知已備悉事件，並正在跟進。她又補充，認為管理處之前應該已知悉，「我覺得係有發現的，因為地下無見到有「1」的「屍骸」呀！」