網上熱話｜水務署吉祥物提養錦鯉要「除六」   網民︰斬開6份 變咗刺身

不少機構或政府會運用社交平台與群組接觸，而政府不同部門更開設不同平台介紹工作或相關小知識。水務署吉祥物——滴惜仔Water Save Dave Facebook專頁中，最近以輕鬆手法提醒養錦鯉的水質不能帶氯氣，帖文指「話說我最近養咗條錦鯉，裝完啲水入個魚缸之後，梗係要問下佢點睇間新屋啦～點知佢起勢咁話要「除六」，哦～原來魚都怕悶想有魚陪㗎！
咪住～原來佢嘅意思係因為水龍頭食水含有氯氣作消毒之用，未必適合飼養個別魚類，所以注水入水族箱前，就要添加「除氯」劑呀！（呼～如果唔係錦鯉就大件事啦！）」設計圖片 滴惜仔問錦鯉點睇呀？ 錦鯉回應稱「梗係要除氯 啦」，圖片下半部是滴惜仔稱「OK，已 ÷6 ！！」魚缸內更變成有6條錦鯉。

但網民笑指，「『除6』係平均斬開6份」、「變咗刺身」，「呢個唔係 x6咩」。另亦有網民分享「將水注入水桶，保存一晚才用，便省下除氯劑了」。
 

資料來源：AM730