網上熱話｜辭職最爽係呢樣？　網民：Last Day準時收工一鑊過

香港疫情雖逐步平穩，經濟尚未完全復甦，惟辭職或轉工者仍然有一定數量。有人向社交專頁「奴工處」投稿，認為辭職其中一樣最爽快的事，「係可以一次過Quite(退出)晒所有GP(通訊群組)」。帖文引起很多共鳴，有網民認同做法，「last day(離職日)準時收工一鑊過quit」，亦有網民指老闆一有新項目就會開新群組，「但全部都是同一班人，依家起碼十個」，甚至有網民表示「有啲成年都無講過野(嘢)跌左落底」、「quit都懶得quit」。