網上熱話|21斤重馬友賣1萬蚊惹熱議 海鮮聯合總會主席李彩華咁分析!

網上熱話|21斤重馬友賣1萬蚊惹熱議 海鮮聯合總會主席李彩華咁分析!

社會熱話

廣告

臨近農曆新年,不少市民都會買多點好餸菜與家人過節,但近日有網民於大埔街市發現有魚檔出售新鮮馬友,開價竟然高達每條1萬元,令事主和一眾網民覺得匪夷所思!

事主日前於Facebook群組「香港街市魚類海鮮研究社」分享圖片,指於大埔街市發現有檔口出售新鮮馬友,開價1萬元,令他不禁表示:「想話搵條馬友過年啫,點知賣到咁貴。」
帖文立刻引來網民熱議,有網民直言「呢個價,太誇張」、「食唔起」、「寫多左個零?」、「應該是老闆自用。真係有人用$10,000買,佢又唔介意」;亦有網民好奇:「有冇人帶成皮現金落街市買魚?」、「收吾收支票」、「有邊個會帶一萬蚊去買餸」;更有人笑稱價錢是否以日元計算。
不過,亦有網民表示,今年馬友的供應的確較少,而且該條魚看起來質素上佳,定價雖高但仍然合理。「我正話買條斤幾都要$320一斤,二十幾斤$30両都要$480一斤啦,計落其實唔係貴。」

香港海鮮聯合總會主席李彩華向傳媒表示,由於臨近新年貨源短缺,加上馬友愈大條愈好,所以價格才會較高。據悉,該條馬友重21斤,入貨價350元一斤,成本約7500元,最終以9,000元賣出。有網友亦表示:「如果用細馬友嘅定義佢梗係貴到飛天,但其實大馬友真係好食過細馬友好多㗎,未食過嘅朋友仔有機會可以買幾嚿做鹹鮮又或者煎咗佢嚟試下。」

資料來源:AM730