【公屋奇景】元州邨「慳電高手」晚晚瞓走廊街坊：舊時係咁慳冷氣錢

社會熱話

Jun 3 2021

近期內地「躺平族」興起，年輕人為反映社會現狀，不再積極工作，決心以低生活欲望的方式過活，寧願「躺平」在家中度日。有網民發現，香港公屋亦出現另類「躺平族」，在長沙灣元州邨某座的大堂，日前竟住戶公然將床和竹蓆搬到走廊窗口附近，然後躺在該處、面向牆壁入睡，而且維持最少兩晚。

撰文：經一編輯部｜圖片：AM730，Unsplash

公屋瞓走廊慳電費網民：阻塞走火通道都死啦

網民Dannysoccer Leung日前將相片上載到Facebook群組「深水埗街坊會」，有人形容行為就如以往般，「以前唔想開冷氣就係咁訓(瞓)」。

但亦有留言不認同，「以前個年代走廊係涼嘅，依家戶戶都開冷氣，走廊又冇乜窗，喺等lift位嘅窗，吹入嚟全部都係冷氣機熱風，個走廊仲熱過間屋」。

踏入夏季，本港天氣近日酷熱，住戶若想節省電費，除了晚間「謝絕」開冷氣，繼而轉開風扇，可能空氣流通的走廊也是一種選擇。

此外，也有網民聯想到是否與家人有爭執，「喺走廊瞓我覺得佢屋企一定有嘢，會唔會嘈交」、「比人趕出門口」、「得罪老婆下場」。

不過，有人就擔心消防問題，「梗係唔得啦，阻塞走火通道都死啦」。

「如果得，個個擺d(啲)床呀櫃呀出門口啦。報消防，萬一火警，塞左大半條通道，住條巷裏面個個變燒猪邊個負責」。

的而且確，減少開冷氣，既可以慳電費，亦符合環保原則，但亦要顧及大廈及街坊防火安全才是上策。

政府將由6月起推行新一輪電費補貼，向每個合資格電力住宅用戶戶口提供1,000元的電費補貼。

由6月開始，政府會連續11個月，在每月向當天是中電或港燈的電力住宅用戶戶口，注入80元的電費補貼，並在第12個月注入120元，總數共1,000元。

要留意，任何未用補貼可轉撥至其後月份，用作支付直至2023年12月31日或戶口結束時在同一戶口帳單上所示的電費，以緩解市民生活負擔。