月入比同學少$15,000 出社會先信命運同際遇｜網民熱話

中學同學各散東西

還記得當初我地幾個中學同學考DSE嘅分數都唔算太差，但也絕對稱唔上為好，亦都因為大家興趣甚至志氣都唔同，所以大家各散東西，去唔同大學升讀。

我們當中有人去了本地較為低分的大學，亦又人到了外國升學，而當初和我文憑試同分的阿鴨(花名)，則選擇本港數一數二的大學修讀商科，而我就因為面試失敗的原故而要在另一知名大學修讀science。

同學一畢業賺$28,000

咁係席間就有人話而家都出嚟做嘢，不如食好啲，甚至之後有人和議但要求阿鴨請食飯，原本我都諗住幫阿鴨推卻，點知佢竟然話無問題，又話自己出咗糧，可以食豪啲。

果一刻我除咗震驚之外，仲有點好奇佢每個月搵幾多，於是就直接問佢每個月幾多人工，而佢都好坦白咁答：「$28,000一個月，做銀行mt差唔多喇！」，聽完佢果個差唔多，我真係呆咗一陣。

佢份糧減半都高過我

回想起當初同佢dse同分，但係因為面試失敗入唔到同一間大學，係香港讀science(唒銀時)，讀到要生要死，勉強係大學微積分中生存，出嚟做嘢一開波已經低人$15,000人工，即係佢份糧每月少半都仲要高過我，果一刻真係想喊出嚟。

命運真係成事在天

或者會有人話人地背後付出咗唔少嘅努力你睇唔到，但係我想問一句：「邊個讀大學唔使認真讀書？」 雖然人從來都無辦法以counterfactual為論據，以「如果論」為主要論點，但有時真係好想問一句「如果當初我有呢個機會⋯⋯」，我嘅未來會否成功改寫。

或者當初古天樂講得好啱：「別要賭，天命最高」，世上各人嘅命運真係成事在天，就算你有英雄般嘅能力，都要有一個最初嘅機會以及成功的際遇。