香港人

【經一專欄】看葉德嫻拍片後有感 香港人已劣質到要提醒先識做乘客

社會熱話

廣告

經一專欄】最近葉德嫻幫運輸署拍片,叫市民做個好乘客,仲拍足三日唔收錢!唔少人睇完條片都拍案叫絕,大讚高質,不過換個角度睇,即係話香港人已經劣質到要人出片提醒先做到個好乘客,都真係有點悲哀。而最重要嘅係,我唔認為條片會有任何成效。

撰文:Purple弟弟 | 圖片:影片截圖、unsplash

香港人 天生有種反叛

唔知大家有冇留意,人天生有種反叛同好奇心,你愈係唔想俾我知我就愈要去搞清楚。

又或者啊媽叫我飲完湯先沖涼,我就死都沖咗涼先係唔聽,就算合理都要唱下反調。

其實呢類心理特質係大部人都有嘅,當時包括香港人。

香港人, 葉德嫻, 運輸署, 拍片, 經一專欄, 職場, 員工, Purple弟弟
唔少人睇完條片都拍案叫絕,大讚高質,不過換個角度睇,即係話香港人已經劣質到要人出片提醒先做到個好乘客,都真係有點悲哀。圖片:影片截圖
香港人, 葉德嫻, 運輸署, 拍片, 經一專欄, 職場, 員工, Purple弟弟
人天生有種反叛同好奇心,你愈係唔想俾我知我就愈要去搞清楚。圖片:unsplash

日本地鐵取消廣播反而更好

係好耐之前,日本同香港一樣,地鐵站內都會日日廣播住唔好衝門、扶手電梯要點點點啊,成效完全無好轉。

好笑嘅係取消咗反而又好咗,你話係咪好神奇。

就算你份人平時幾無禮貌,去到日本都會「阿尼卡多」前「阿尼卡多」後,因為當地人都會做好自己,自然可以感染身邊人做好行為,咁做咪最有成效囉!

所以講到尾呢類廣告或者片段除咗圍爐取下暖,大家一齊話:「係啊我最憎呢啲人,好有共嗚啊」,共嗚過後真係會有幫助?

香港人, 葉德嫻, 運輸署, 拍片, 經一專欄, 職場, 員工, Purple弟弟
去到日本,好易會被日本整個氛圍影響,令自己都變得有禮貌。圖片:unsplash
香港人, 葉德嫻, 運輸署, 拍片, 經一專欄, 職場, 員工, Purple弟弟
所以講到尾呢類廣告或者片段除咗圍爐取下暖,大家一齊話:「係啊我最憎呢啲人,好有共嗚啊」,共嗚過後真係會有幫助?圖片:影片截圖

職場上老細一樣鍾意訂規矩

好啦入正題,點解我會用好乘客同地鐵廣播例子做引入點呢,因為其實呢類行為大部分都係屬於「common sense」。

當一個社會日日提醒,甚至大肆褒獎一件本身你就應做嘅行為,真係好極都有限。

但好多老細唔明呢個道理,計員工打卡時數計到分毫不差,LUNCH時間一遲就俾說話你聽。

作為員工守時係應做行為,員工無做到只有兩個原因,一嚟就係佢哋自身操守同工作態度問題,二來就係公司太苛刻。

香港人, 葉德嫻, 運輸署, 拍片, 經一專欄, 職場, 員工, Purple弟弟
圖片:unsplash

再簡單啲講,做唔做都係員工自己作主,你訂規矩威嚇都只係暫時止血!

就好似個廣告咁,呢兩日HIT完,下個星期又會有巴士或地鐵中港大戰片段上傳!

所以教育先係治本,營造良好工作環境先係上策。

香港人, 葉德嫻, 運輸署, 拍片, 經一專欄, 職場, 員工, Purple弟弟
圖片:unsplash

所以,老細們,規矩係要有,但連呢啲基本嘢都要威逼利誘先做好就真係要反省下。

規矩係死,人係生,有時做足規矩唔等於有工作成效,甚至仲會打擊士氣。

不過如果你哋鍾意保持高流失率,確保HR有穩定工作量,上面啲嘢就當我無講過啦!

香港人, 葉德嫻, 運輸署, 拍片, 經一專欄, 職場, 員工, Purple弟弟
圖片:unsplash