[網上熱話]屋企裝修 雜物放滿走廊 網民斥無賴自私

[網上熱話]屋企裝修 雜物放滿走廊 網民斥無賴自私

社會熱話

廣告

[網上熱話]屋企裝修 雜物放滿走廊 網民斥無賴自私
[網上熱話]屋企裝修 雜物放滿走廊 網民斥無賴自私

上屋搬下屋,唔見一籮穀;如果隔離屋搬屋或裝修,咁關唔關你事呢?梗係關啦,尤其係如果個鄰居將雜物擺到出門口阻塞走廊,唔單止有礙觀瞻及引起衛生問題,萬一走火警時就大件事。
網民Harvey Tsang在Facebook「Mei Foo 美孚」群組貼出一張相,顯示美孚新邨其中一個單位外放滿雜物,幾乎霸佔成個走廊;樓主仲好黑色幽默發文:「屋企裝修,煩緊雜物唔知放邊好?唔緊要,放喺走廊咪得囉~」行文中感覺到佢係好無奈,而且應該係投訴無門。
帖文一出當然引來排山倒海負評,批評嗰位將屋外走廊當係儲存倉的住戶「離晒譜」、「無賴」、「勁自私」;亦有網民笑指「夜冷舖」、「睇下有咩啱用拎返去用」;有人則提議以其人之道、還治其人之身,「夜晚搬去塞佢門口都好!」不過,大部分留言均著樓主直接報消防,並提供消防處投訴熱線及荔枝角消防局電話。

資料來源:AM730