10大世界之最 英國最多億萬富翁

社會熱話

廣告

大家應該都有玩過世界之最這個遊戲,咁現實生活嘅世界之最你又知幾多呢?Information is beautiful 呢個網站,列出了每個國家最威嘅地方,以下就介紹其中10個世界之最俾大家知!

撰文:高清
圖片:網絡圖片及法新社

大國篇:

1/ 英國 最多億萬富翁
今年英國「脫歐」一事,大家都討論都如火如荼。原來,英國係世界上最多億萬富翁嘅地方!如果想釣金龜,可以諗諗去英國試下。

2/ 美國 最多垃圾郵件
美國作為世界經濟體系嘅大佬,竟然最多嘅唔係錢,而係垃圾郵件。其實垃圾郵件好危險,因為好多電腦病毒都係通過傳播,所以大家要小心,唔好亂開啲不明來歷嘅電郵啦!

3/ 中國 最多記者比人拉
講到世界之最,點可以唔提偉大嘅祖國呢?2010年中國係全世界擁有最多豬嘅地方,而今年中國就是有最多記者比人拉。睇黎小編返大陸都要小心啲先。

工作篇:

1/ 愛爾蘭 最好工作環境
返工除咗要有好同事,最緊要就梗係有好嘅工作環境啦!而愛爾蘭最威威就係有最好嘅工作環境,可能係因為有愛爾蘭充滿住愉快的氣氛。

2/ 古巴 最多醫生
古巴共和國係美洲加勒比海北部嘅一個群島國家,有好靚嘅陽和與海灘。古巴最多嘅原本唔係沙,而係醫生。呢個小島的衛生水平好高,基層醫療亦做得好好。 連醫學權威《The Lancet》期刊的委員會,都將古巴列為全球醫療衛生最佳收入的國家。

3/ 烏干達 最多企業家
烏干達共和國係東非内陸國家,嗰度天氣宜人,有好豐富嘅礦物資源,英國殖民期間更加被大家稱為「非洲明珠」。而烏干達嘅企業家,好多都係從事農業工作,有80%勞動力係從事農業生產。

生活篇:

1/ 加拿大 最多人Facebook 上癮
好多去香港留學生,都會話加拿大好悶,出街冇咩野玩,更加冇香港多姿多彩嘅夜生活。唔知係咪因為太悶,所以大家都留左o係屋企碌Facebook呢?

2/ 立陶宛 最快Wifi
講到快,香港人咩都想要最快,最快Wifi 竟然唔係香港,而係位於東北歐嘅國家立陶宛。立陶宛係波羅的海三國之一,北面係拉脫維亞,東南面係白俄羅斯,南面係波蘭。

3/ 波茨華拿  最多鑽石
波茨華拿係非洲南部嘅國家,四面都俾另外嘅國家包住,南面係南非;西面係納米比亞,東北面係津巴布韋,所以冇自己嘅港口。而波茨華拿呢個小國,就擁有全世界最多鑽石。 

飲食篇:

1/ 挪威 最多Pizza愛好者
雖然意大利係Pizza嘅發源地,但係唔係最多Pizza愛好者嘅地方。而挪威先係有最多Pizza愛好者嘅地方!嗰到有唔少好食嘅Pizza店,例如Peppes Pizza,有機會一定要去試下。

2/ 荷蘭 最多咖啡愛好者
荷蘭以海堤、風車出名,唔講唔知,原來荷蘭有最多咖啡愛好者。按統計,每一個荷蘭人每日平均都會飲超過兩杯咖啡,係全世界最鐘意飲咖啡嘅國家。

你可能有興趣的文章:
【各地元首薪金大比併 港官員竟然咁高?】
http://www.edigest.hk/Vip/detail?id=6333

【加拿大小島打工送地 做夠五年可做地主】
http://www.edigest.hk/Vip/detail?id=5864
【去旅行必備 WiFox 世界機場WiFi 密碼地圖】
http://www.edigest.hk/Vip/detail?id=5388