30歲 61萬 30歲有61萬身家 應買樓定帶女友移民加拿大?網民被狠批錢太少 「無謂害你女朋友啦」

30歲有61萬身家 應買樓定帶女友移民加拿大?網民被狠批「無謂害你女朋友」

社會熱話

廣告

有網民就在討論區上發文,指自己有約60萬港元身家,正在考慮應該留港買樓還是與女友一起去加拿大闖一番事業。

撰文:經一編輯部| 圖片:Unsplash、香港討論區

2人共100萬儲蓄

日前,有網民於香港討論區以「30歲成副身家61萬~留港工作定出年帶埋條女去加國博下?」為題發文,表示自己有61萬積蓄,連同女朋友的話,有100萬元左右,詢問網民應該留港買樓還是放手到加拿大一搏。

30歲 61萬 30歲有61萬身家 應買樓定帶女友移民加拿大?網民被狠批錢太少 「無謂害你女朋友啦」
網民問:30歲有61萬身家 應買樓定帶女友移民加拿大?

大量網民狠批樓主錢太少

帖文一出,大部分網民均潑樓主冷水,指出60多萬元數目並不大,難以到加拿大發展,更指樓主應該放過女朋友:

「無謂害埋你女朋友啦。去到俾人話貧賤夫妻百事哀幾無謂。」

  • 「得61萬港幣想移民?????旺角移去太子應該ok…用吓個腦啦。」
  • 「10萬加紙可以做到乜?」
  • 「去住幾個月,駛X晒D錢返香港申請綜援囉,搵香港人笨。」
  • 「有600萬先諗啦。」
  • 「咁少錢去其他亞太地區都難啦。」
  • 「唔講政治,做個小市民,留港吧。去加國有乜做?修車?洗碗?」
  • 「香港同聲同氣都撈唔掂,去到外國人地方,充斥住排華及種族歧視,結果會點?」
30歲 61萬 30歲有61萬身家 應買樓定帶女友移民加拿大?網民被狠批錢太少 「無謂害你女朋友啦」
加拿大政府近月推出多項便利港人移居當地的新政策

食回頭草又如何?

除了嘲笑樓主錢少的網民之外,亦有人平心靜氣教樓主要先計好數:

「計計數:收入支出平衡/錢可用多久,揾工有無難度?
離港:要放棄乜?
加國:可得到乜?
好似轉工/搬屋咁,維一維條數先,若食回頭草又如何?」

先攞公民到時再考慮回流

樓主之後補充,自己沒有BNO,亦無咁多錢投資移民,但今次加拿大的政策不錯,留4年(加最少1年工作經驗)就做到永久公民,加上有親戚在加拿大,可以安排工作及住宿,所以好想試下。

30歲 61萬 30歲有61萬身家 應買樓定帶女友移民加拿大?網民被狠批錢太少 「無謂害你女朋友啦」
樓主是想以加拿大最新政策移民

得知樓主是想以加拿大最新政策移民(即大學畢業才有資格),有網民就鼓勵樓主,並暗寸之前留言嘲笑樓主的網民不幸地只有錢:

「我相信你哋擁有大學學位,加上識英文,所以不妨妨一試。攞到公民身份,就比到自己將來的選擇。反而,到你年紀大咗,而不幸地只是擁有千零萬身家,到時連加拿大政府也不會睬你。」

  • 「冇第一步點嚟第二步,後生仔有自己思維路向,唔駛理人講廢話!」
  • 「搏下當見識,趁後生,梗係移民啦。」
  • 「反正四年後,攞埋公民身份先算啦,到時候你自己可以決定留喺加拿大定回流香港。」

圖片來源:經一編輯部