月入3萬淪月光族！工作5年僅儲1萬元 唯一靠MPF儲到錢 網民：搵3萬基本上唔可以出街

唯一儲到錢竟然係MPF戶口

樓主以「每個月搵3萬蚊，但都係月光族」為題在香港討論區發文，指：

「有人話3萬蚊算唔錯，但其實都儲唔到錢，mpf，家用，屋租，車費，飲食費，水電電話費，交稅，陪女朋友費，以上已經用左27-28k，剩返2-3k有時買下衫褲鞋，病咗睇下醫生又或者同朋友去玩下就冇埋，做咗5年野，戶口儲款都係啱啱五位數，真係睇唔到前路… 唯一儲到錢嘅竟然係mpf戶口… 有廿零三十萬喺入面… 有得拎真係想拎出黎用..」

網民：會唔會係屋租玩謝咗你？

網民看到樓主的故事後隨即熱烈討論，有人認為樓主主要問題是開支太大，例如租屋沒有必要、以及應該與女友平分拍拖使費：

• 「會唔會係屋租玩謝咗你？租平啲，或者同女友平分，或者同父母同住。」
• 「搵得三皮仲可以租樓你已經好勁。」
• 「搵3萬都冇前路，搵萬幾咪死左。點解要比屋租，住屋企唔得咩。」
• 「唔拍拖已經慳好多」

網民：儲錢初初都係逼出嚟

亦有網民認真教導樓主節流方法：

• 「記帳睇下邊度使大咗，cut得就cut。儲錢初初都係逼出嚟，變成習慣就無咁辛苦。最重要諗清楚儲錢目標係咩，先有動力。」
• 「你咁洗法，十萬都月光啦，搵幾多不是問題，最大問題係睇你點洗同洗幾多」
• 「搵3萬當30萬咁使，梗係月光啦，嗱，搵3萬，當3千蚊咁使，咪剩到錢囉。」

網民：搵3萬基本上唔可以出街

此外，有網民就質疑為何以樓主的收入及工作年資，MPF可以有30萬：

「你mpf好高風險㗎？定係自己供好多？30k/月，正常連僱主供3k，一年36k，五年先180k，呢排咁嘅時勢都仲可以有成三十個？」

亦有極端網民認為「點解留言都叫樓主節流？其實洗得開心自在咪得，月光又有咩所謂」，「搵3萬基本上唔可以出街」。

事實上，根據香港統計處最新公佈，香港2021年第3季就業人士中，撇除外籍家庭傭工後，男性月入中位數為20,000元，女性則為17,200元，男女合計後中位數為20,000元，因此月入3萬已經好過好多人，看來樓主應該要好好學習投資理財之道。

延伸閱讀：屯門「最平公屋」降臨！全數逾9,000伙新單位年中落成：月租一律低於2,500蚊！

延伸閱讀：2022電子利是｜「星之子」陳易希推加密貨幣利是 中銀、恒生新春抽獎有8,888元現金

美股、加密貨幣成新趨勢，想了解但無從入手﹖港股又點做先可以趨吉避凶﹖經一全新推出patreon訂閱號【經一共肥計劃】，訪問業內專家獨家俾料，提供深入淺出分析；影片、專欄、文字報道各適其適。而家有早鳥優惠，每月10美元，點擊連結，就可以早訂早享受﹗

【共肥不自肥，賺錢預埋你﹗】

patreon訂閱號【經一共肥計劃】

https://www.patreon.com/EDfattogether?fan_landing=true