英鎊貶值 直接去英國買車抵唔抵?

生活消閒

廣告

英鎊跌勢未止,今日亦曾觸及「9算」,低見9.9858水平,現價報10.0645。昨日分析了去英國要掃貨的三大名牌,今日同大家講講買車。近日已經有報道話,英鎊貶值之後,有英國代理車行主動減價一成,睇落好似好抵。不過,會唔會直接係英國網頁買架車會仲抵呢?

撰文:馮卓韞

小編今次就特別搵來兩個港人喜愛的英國車品牌JAGUAR和MINI,做了價格比較,發現直接在英國買車,加埋稅、運費及手續費,大約是香港九折價錢,一部動輒幾十萬,九折已經慳唔少。想知點計,一齊睇睇。

(每英鎊兌港元收市價︰
2015年7月7日︰11.9877
2016年1月1日︰11.426
2016年7月7日:10.0645)

以JAGUAR最貴的車款F-TYPE-R為例,英國售價由86,825英鎊起,以目前英鎊價位10.0645買入,需約873,850港元。

而根據香港海關購買首次登記汽車稅(見上表),稅款總額為HK$802,428,一架 F-TYPE-R 連稅要HK$1,676,278。我們訪問過香港汽車協會,若以船運方式送抵港,船運費一般數萬港元,還有過萬港元手續費,假設船運費為50,000港元,手續費為15,000港元,總額是HK$1,741,278,仍較香港直接購買價HK$1,988,000,便宜約HK$246,722。

若果以一年前價位購入,差價更大。一年前價位買入需約1,040,832港元,海關稅款總額已是994,457港元,單單是稅項已相差19萬,一架 F-TYPE-R 連稅要2,035,289港元。再加入船運費和手續費,總額大約為2,100,289港元,所以一年前的話,在香港直接購買會較划算。

女車迷熱愛的MINI差價也達幾千港元!以Clubman Cooper為例,英國售價為20,105英鎊,若果以一年前價位購入,買入價便需約241,013港元,海關稅款總額已經要128,260港元,連稅後價錢為369,273港元。再加入船運費和手續費,總額大約為434,273港元。

但按今日英鎊匯價買入,價格為202,347港元,首次登記汽車稅款總額為99,260港元,計算船運費和手續費,一架MINI大約為366,607港元,比起香港售價389,800港元,當中差距有23,193港元。不過又自己搞咁多野先慳兩萬幾,想化簡為繁,似乎就直接在香港買好啲。

睇完上述兩個個案,可以睇到買貴架車的慳得會比平價車多。當然,買車不同買手袋,手續繁複得多,但差價吸引的話,所有問題都不再是問題!

如我有特別需要申請政府津貼,有什麼津貼可以申請?

如是長者/傷殘人士,可以留意長者生活津貼長者咭樂悠咭傷殘津貼申請綜援等等,在住屋方面,可以考慮申請公屋

如果我想外旅/返回內地,有什麼需要留意?

首先,要留意特區護照/回鄉證是否需要續期,以及留意不同貨幣的匯率走勢,包括人民幣兌港幣日元兌港元英鎊兌港元等等。