月入20,000幾蚊 係咪要宣布上車絕望

你好！ 我都係苦候上車的一群，最近看見很多公屋成交價破頂，成交每平方呎高達15,000元，係咪代表樓市價繼續爆升？ 係咪代表業主話晒事，無可能會劈價？我現時人工只有20,000多元，係咪要宣布絕望？

讀者Eric Chan

文：1%Anthony

最近頻頻聽到公屋、居屋成交價破頂。 然而，這是否代表樓價會繼續爆升？是否代表業主話晒事無價講？是否代表年青人就沒有機會買樓上車？ 不要輕易放棄！ 朋友說：「嘩！離晒譜！公屋賣到每平方呎15,000元！」 筆者即時反應是：「係咪得百幾呎嘅納米公屋呀？」

朋友即時一呆：「睇睇先，係喎！你點知呢？」 公屋只是傳媒吸睛的技巧而已，其實問題的重點不在公屋，而是lump sum。 私樓市場根本沒有200萬元的住宅！如果想買樓住，又沒有錢，又或者想買樓投資，但沒有錢，私樓買不起，又不懂得買工商舖，不懂得買內地樓，惟有買二手公屋，最少自己熟悉。

近日有報道說，單車位都有人炒，每個30,000元，網友反應強烈，質疑回報低、沒前景等，唔使勞氣，搵嘢炒啫！ 虛擬貨幣、玩具模型都有人炒啦！看見口袋裹的銀紙不斷貶值，恐慌性投資而已。 筆者覺得與樓市走勢沒有太大關係，反映細銀碼「磚頭」投資需求大而已。

朋友Ａ說：「納稅人補貼佢住，攞嚟謀取暴利，離晒譜！」 朋友Ｂ說：「當年20萬元買番嚟，依家逾200萬元賣出街，過分！」 不用勞氣，其實無表面咁風光。 公營房屋賣出要補地價，假如當年以20萬元買回來，現在以逾200萬元出，看似賺了十幾倍，補地價可能已經補了一半，實質落袋其實只有逾100萬元。

又或者早幾年原業主已補地價，並以120萬元賣了，新業主接手後，持貨至今再以220萬元出售，兩個業主都只是賺100萬元而已。 除非當年以20萬元買入，即時補地價，並且一直持貨至今，才高價出售，相信這些情況不多，咁有眼光、咁有耐性都抵佢發。 首先，公屋業主賺了錢，才有本錢買私樓，換樓上流。

公屋業主買了樓，根據最新的富戶政策，就要將原有的公屋讓出來，讓真正有需要的市民早日上樓，如果沒有這筆本錢，如何買私樓呢？ 其次，近年樓價不斷上升，發展商、投資者都賺到盤滿砵滿，然而基層人士就無法分享，於是只有埋怨、放棄。

香港特首林鄭月娥將來或落實推出更多綠置居、居屋及首置樓等，如果真的做到不跟市價，可讓更多原本買唔起樓的市民，都有機會買資產。 將來資產價格若繼續上升，他們就能分享，當然要補地價，要打折。 初步想只要不再出售公屋，只可以租，住戶就不能透過轉售公屋獲利。 然後再落實政綱，多建首置樓、多建居屋，增加白表名額，反而會吸引想輪候公屋的市民購買，同時亦可以吸引細價樓買家，令到亢奮的細價樓市場降溫。

作者為1%投資培訓中心課程總監，教授物業投資、上車及裝修等課程。暢銷書《上車又住又賺》及《樓轉命運》作者，網誌《第一桶金》總瀏覽逾300萬人次，並曾擔任TVB《有樓萬事足》顧問。
Fan Page《第一桶金》： www.facebook.com/anthony.wealth