職場「老海鮮」力數00後經典O咀行為、一部Fax機竟然震驚全公司：我同其他同事呆咗！

近日有網民於FB專頁「奴工處」發文指，不知不覺00後（泛指2000年至2009年出生的人）已經踏入社會工作，並分享其身邊00後同事的4大「白卡」行為。

1. 「叫佢落樓下幫我將封信入落郵箱，佢入咗廢紙回收箱」
2. 「叫佢去fax嘢，佢fax咗好多次，成功咗都唔知，仲係度猛咁fax」
3. 「返返下工去休息室玩PS4，我同其他同事呆咗」
4. 「老闆發電郵同佢講：Add some colours to the below. 佢真係加咗唔同色係啲字度」

該帖文引來熱烈迴響，網友紛紛表示留言表示對職場新人不懂得使用Fax機有所共鳴，「有邊間學校有教點用fax機，大家都係返工學到，無人教過咪唔識」、「我90後都係返咗工先學識用fax機」。

也有網民表示00後不懂得用Fax機並不出奇，指Fax機已經是過時的產物，當今職場人多數用電郵通訊。

此外，不少網民為該00後平反，認為發文者「一竹篙打一船人」，並指身邊有很多00後同事都很「醒目」，而且肯虛心學習。

部分網民質疑以上幾點未必是00後獨有的問題，又指不同年齡層的打工仔也會出現這種行為。「作為一個做嘢有二十年的廢中，呢啲事係五六七十後都會遇到，同年紀無關係」。

延伸閱讀：4.21起放寬社交限制：限聚令改為4人 + 晚市堂食延至10時 + 按摩院、戲院、主題樂園「重見天日」！

延伸閱讀：「90後」唔睇樓直衝日出康城 網民直呼「傻仔」：成千萬買垃圾崗單位！