「你係咪嬲咗我呀」英文點講？｜好使好用 5句同上司認錯的英文語句

12年前一場小學辯論令到「你係咪嬲咗我呀？」成為熱搜金句，其實工作上點都有機會同上司或者同事嘈一兩句，搞到大家面阻阻。如果唔想關係咁僵，又唔想淨係講I’m sorry 咁行，應該點講好呢？今集就有阿滴妹教大家幾句，鬧交之後和好嘅英文。講完之後雙方都好落台，就唔使撞口撞面咁尷尬啦！

例句1： I’m not trying to be mean.「我唔係有心講一啲咁難聽嘅說話。」

Mean 嘅意思係刻薄，成句嘅意思就係「我唔係有心講一啲咁難聽嘅說話。」
有時可能一時口快，唔覺意踩到人，你就可以用呢解釋返！

例句2： Are you mad at me?「你係咪嬲咗我呀？」

Mad係嬲嘅意思，成句嘅意思係「你係咪嬲咗我呀？」
當你自己知自己得罪咗人，又唔知人地有冇嬲緊你，你就可以問吓佢”Are you mad at me?

” 如果想再誠懇啲,仲可以加埋 “I want to apologize.” 喺前面，表達你知道錯了。

例句3： I didn’t mean it that way.「我唔係咁嘅意思呀！」

如果有人誤會咗你，係就可以講 I didn’t mean it that way.，呢句嘅意思係「我唔係咁嘅意思呀！」之後記得要即刻澄清返自己嘅諗法喎！

例句4：I hope it’s not too late to say sorry.「希望我唔係太遲道歉啦！」

呢句嘅意思係「希望我唔係太遲道歉啦！」如果件事耐咗，你又想去同人和好的話，係就可以用呢句，表示你嘅歉意。

例句5：It’s all my fault.「都係我嘅錯」

It’s all my fault.係「都係我嘅錯」嘅意思，工作上犯咗大錯，要同人道歉嘅時候，你就可以話 “It’s all my fault.” ，表達你會承擔責任。