職場新人見工、HR無睇學歷 感慨公開試成績表變廢紙：大家點樣耍走親戚？
廣告
還是學生時期，一到新年就會有親戚問：「讀邊間大學？」如果成績差，真係要耍走親戚。有網民就悟出一個道理：只要出社會做嘢幾年，不論公司見工、同事之間都無人會再問讀書成績，連公開試幾多分都無人提起！原因只有一個！
一定要大學畢業？
網民分享自己的經驗，基本試只要讀過大學，就不會有人問及公開試成績，而有同事之間會避開討論，最多談起應否去進修。
- 「睇你入唔入到u / 入邊間啦。」
- 「U grad無人會問公開試。」
- 「同D同事講有關讀書野 都係整唔整番個master 好。」
見工、入職後公開試成績已無用
有網民亦分享見工過程，指公開試成績用作投考政府工就有用，私人公司最多只是留個紀錄。如果不是社會新鮮人，都少以「讀書成績好」作個人優點。
- 「好耐無拎張CE AL 成績表去見（工），政府工可能會嘅。」
- 「唔好話公開試，搵完工連咩hon都冇人問。」
- 「最多睇下你間U張cert,之後叫得你嚟都問工作經驗架啦。」
職場老手：人工、個人能力更重要 撈得掂就得！
當已經不是職場新鮮人，旁人留意得到的都只有工作相關的技能、個人能力等，甚或乎更直接地討論收入多少。
- 「我First Hon Dean List 除左第一份工，根本無人理啦。」
- 「做左廿年野，從未俾人知過我會考高考成績。」
- 「老細係要你幫佢賺錢，除非管人，學歷冇咩人會睇。」
- 「做design portfolio大於一切。」
- 「我做左十幾年野，轉左幾次工，人地只係想知你呢十年做過D乜。」
- 「撈得掂冇人會理你公開試考成點/讀咩U。」
正所謂英雄莫問出處，放在職場亦是同一道理，出社會幾年後大家的焦點都在你的工作成就，公開試成績或者大學成績都已經不在討論範圍。
圖片來源：政府新聞處，unsplash@Barney Yau
