90後

90後、00後唔捱得? 其實好多公司老臣子都一樣

職場

廣告

【90後、00後唔捱得?】公司有一個奇人叫漢叔,聽聞佢係公司初開業無耐已經入職,係名正言順嘅「老海鮮」(old sea food)。雖然漢叔職位唔高,但地位就異常地高,連經理級都不敢動他分毫。漢叔係一個怪人,最大特色係有「六不做」。

撰文:藍橘子  | 圖片:網上圖片

職場老Seafood「六不做」

不換水、不換紙、不聽電話、不沖廁、不加班、不負責任。

已經有好多同事見過,漢叔拎住隻水杯走入Pantry,見到水機無水,就會無若無其事行返出嚟,等到有其他同事換水,佢先走入去斟水飲。

另一方面,漢叔係一個聰明人,佢會儲低一大疊文件,等有同事影印機換完紙,先一次過Print。

點解要咁做?除咗唔想換紙之外,漢叔仲想有同事順手拎埋啲文件畀佢。

德高望重嘅漢叔,從來都唔會聽電話,就算公司全部同事忙緊,電話響到爛晒,一樣穩如泰山咁坐喺度望住個電腦發呆。

最難頂嘅係…漢叔會喺廁所食煙同唔沖廁。雖然好多同事都唔鍾意漢叔,但佢始終係公司老臣子﹐老闆一定保住佢,所以大家唯有啞忍,當漢叔係公司嘅一件裝飾品或招財擺設。

90後無禮貌、80後唔捱得

如此任性放蕩不羈嘅漢叔,相信係被老闆寵慣晒,先有今日嘅功力。

我哋成日都聽到話80後唔捱得、90後無禮貌、00後連影印機都唔識換紙…

唔知由幾時開始,社會上充滿呢種年齡標籤。總好過漢叔呢類「60後」,識用都唔去用。

每當職場有新一班後生仔入職,都一定有呢啲言論。

90後 00後 唔捱得 老Seafood old seafood

我相信好多人屋企都無影印機,如果第一次出嚟做嘢,唔識用影印機又有乜出奇?

社會需要多啲機會畀新入職嘅年輕人,當然年輕人亦要努力擺脫呢種負面標籤。

我係80後,記得當年我入職,一樣畀人話唔捱得,但捱吓捱吓,都捱咗十幾年。

每次見到有新同事加入,乜都唔識,我都會提醒自己,千祈唔好變成一個同漢叔一樣嘅老sea food…

體驗1分鐘貸款批核 隨時提款話咁易

平遊東京不是夢!最平住宿喺晒呢到

去大阪想搵住宿?識睇一定睇呢到!

去首爾掃貨住邊好?入嚟幫你格價搵至抵住酒店!

短trip遊台北叉叉電,即訂平、靚、正住宿出發!

去旅遊想搵住宿?識睇一定睇呢到!

延伸閱讀:

零食任食 返工可飲啤酒 貼地創業老闆:憑咩要員工攞條命同你搏?

90後、00後唔捱得? 其實好多公司老臣子都一樣