Exit Interview爆上司大鑊好唔好? 山水有相逢 私下Reference Check防不勝防|張慧敏Son姐

Exit Interview爆上司大鑊?山水有相逢 私下Reference Check防不勝防|張慧敏Son姐

職場

廣告

最近有小讀者寫了篇千字文,除了多謝我,說從我的文章得到啟發鼓勵,在個個認為不可能的逆市中找到理想新工作外,還詳述和上司的關係有幾差,以及上司為人有幾賤。根據公司慣例,人事部會為離職員工做exit interview,讀者決定有怨報怨、有仇報仇,決定爆上司大鑊。

撰文:張慧敏(Son姐)|圖片:unsplash

切忌處事衝動

我立即回覆叫佢千祈唔好!年青人真性情是好,但處事衝動絕對不好!我的讀者未捱夠一年,加上明知搵工難仍在疫情之中豁出去搵工走,可見這部門一定有問題,員工流失率一直高企。HR不可能不知,公司老細、高層肯定亦知。據小讀者所言,賤上司是公司老臣子,為人做事作風業績成績如何,全部有跡可尋,毫無懸念疑點,卻依然能夠穩如泰山,很明顯其存在價值不在工作或能力。至於到底是什麼,小讀者如肯花時間思考,就能學到很多。

在此重申,正、反面教材都是教材。每間公司都有自己企業文化,老闆如何界定一個員工好壞,從來毋須與員工自己認為的標準一致。

幾時都話勉強無幸福,自己能夠貢獻的價值如不被老闆需要,只得一個選擇,就是「早走早着,遲走肯定瞓唔着」!

搵到好路數逃出生天,應該多謝賤上司不遺餘力的推波助瀾。那些昔日姻緣,記來講來有何用?集中精神做好準備,在新工作大展拳腳好過!Exit interview記得多謝上司提攜教導,令自己更成熟,然後心涼笑笑口,頭也不回與大家講再見,多瀟灑!

永遠不要bad mouth舊上司僱主,是職場的金科玉律。因為內裏的恩怨情仇,各有各說法,即使講的是事實,對聽者而言都只是片面之詞,所以少說話多做事總是最實際。講到底世界很細小,山水有相逢,有些人從來不必成為朋友,但亦都不必留低更多牙齒印,不比為自己製造多個仇人。

尤其是打工仔最擔心新僱主向舊僱主check reference,雖然HR公事公辦不會答任何涉及私隱查詢,但如果對方識自己舊上司或老闆,直接打電話去問,就真正防不勝防,所以秉承「好來不如好去,凡事留一線,日後好相見」的作風準沒錯。

延伸閱讀:被裁員冇Reference Letter會影響搵工?職場上無處不相逢 最緊要識做事加識做人|張慧敏Son姐

延伸閱讀:被炒可否要求公司賠錢提早走人?怕被裁員影響之後搵工?裁員潮僱員常問問題解答!|張慧敏Son姐

Exit Interview爆上司大鑊好唔好? 山水有相逢 私下Reference Check防不勝防|張慧敏Son姐
圖片:unsplash

回頭再看,生命中、職場中出現的各位小人,其實都是難能可貴令我們成長的貴人!

作者簡介:張慧敏(Son姐)橫跨五世代,馳騁幾十年。天堂未曾上,人間不斷闖,地獄忙折返。魔鬼教練,不是浪得虛名,在公企業顧問獵頭人,在私是辣媽CEO。一雙慧眼,閱人無數;一張寸嘴,不平則鳴;一支辣筆,有的放矢。有問有答,言必由衷。