投資

大學生想學投資 可以點入手

投資

廣告

大學生想學投資 可以點入手

問 1:

您好呀! 我係係一個普通ge大學生 係呢一年先開始意識到投資ge重要性 但我完全唔知點樣入手

我聽我一位老師介紹過您本書80後百萬富翁 除左呢本書之外 介唔介意介紹多一兩本書比初學者

龔成老師答:

你個老師果然識野(哈),《80後百萬富翁》是理財的入門,如果你想學多d入間類的知識,可以睇《財務自由行》、《大富翁致富藍圖》。

如果你想直接學股票,可睇《50優質潛力股》、《50穩健收息股》。都是初學者睇得明白。

愈後生去理財,財富就更能有效分配,複利息的力量愈強。(對照龔成信箱Q4082)

買樓問題一問

問 2:

Hello龔成,最近發展商收了我屋企層唐樓,平均每尺$15000,扣除佣金後會有700萬現金。

諗住花大概500萬買1層樓自住,什麼時機入市買樓比較好?

我見到股市咁旺,我應該等2018/19年股市爆破後,樓價會下調,到時入市會比較好嗎?

另外200萬想買多層樓比首期,然後放租可以嗎? 龔成有什麼好建議,好好運用呢200萬嗎?

龔成老師答:

現時樓市的確有點高,但我不建議你「等爆」才入市,因為我地無人真正估到樓市的升跌。

當你原本有層樓,然後比發展商收左,其實等於賣左層自住樓,但我從不建議人賣自住樓的,因為這會令你由「平倉樓市」狀態,轉變成「沽空樓市」狀態。

如果樓市跌,你當然有得益,但如果樓市不斷升,你就有損失,因為你已無左層自住樓。所以,我建議你而家開始睇樓,買翻一層自住樓先。

另外,如果你想好好運用資金,自住樓不用比晒$500萬,例如買$500樓,比其中的$250萬(即一半),餘下的持有現金。再睇一下步點做。(如果你覺得咁樣會比好多息,可以做按揭時,開個按揭掛勾高息戶口,你將錢存入去,部分可以對消銀行借貸)。

你可以第一層高成數,第二層低成數按揭,但就無個倒轉,所以,第一層借錢,留多點現金在手,資金運用上較好。

你有一層樓後,就唔洗太心急買第二層(因為這是投資),這時可以睇住個市,真正等跌才入。

而在這段時期,可將部分資金投入股市,平衡增值,甚至只是收息,已有不錯的效果。(對照龔成信箱Q4079)

吉利汽車前景

問 3:

成哥,想問0175吉利汽車前景如何?是否優質?

可買入嗎

龔成老師答:

吉利汽車(0175)有一定的質素的。加上近年的生意有快速增長的情況,所以前景不錯,除了汽車市場有保持增長的情況外,佢本身的市佔率都有增加的情況,反映產品得到市場的認同。

對股仍有前景的,唯一擔心的是近年升得太多,始終市盈率去到40倍,就算以中期業績計,推斷佢下年盈利有明顯增長,預測市盈率都去到25倍水平。如果回落到20倍會較為合理。

所以,如股價跌15%-20%,相信會較合理,至於現價,如買入不是不可,但只能小注,之後等回落才正式買入。(對照龔成信箱Q4080)

福壽園分析

問 4:

老師你好,我是剛上完你股票班的學生,你的評估表好有用,我以福壽圖(1448)作分析,附上評估表比老師,老師睇睇我做成點,比少少意見。

龔成老師答:

(同學有附上佢填的完整評估表,但見諒無法公開)

睇完你的全份企業評估表,基本上你絕大部分都做到當中的指引。

以下是小問題:

初步數據(第5項):市盈率不合要求的。

不過,因為是初步數據,所以問題不大。

評估優質度(第13項)中,其實佢最大的得益是初期,持續要比錢的部分不算大,所以這部分只有半分。

你年論在資料搜集及分析方面,都做得不錯。我睇到你分析有完整性。

要注意的事,因為這行業較為獨特,所以運用行業數據時,得到行業平均市盈率為23-48倍,但這個數的確比較高,不能盲目運用,我個人會偏向保守的。所以,我在最終估值上,得到的數字比你更低。

投資策略(第66項)中,這策略可以的,我都建議同學用類似的策略。始約現價不平,同金字塔式去進行投資是可以的。

整體來說,無論是資料,分析,以至最後在企業估值上,都做得不錯,而投資策略方面亦得宜。你基本上已掌握了課堂中所教,之後就是不停練習及運用,相信你的進步會很大。(對照龔成信箱Q4081)

投資新手請教如何投資

問 5:

你好龔先生。我是一名投資新手,從未接觸任何股票投資

想請教如每月買入一手03988,作為長線投資收息用,維持時間約5-10年,是否可行?

龔成老師答:
對新手來說,中國銀行(3988)是適合的。這股有質素,而且派息不錯,長線持有這股作收股無問題,但你要留意這股的股價增值力較少。

初期投資股票,若然資金不多,只投資一隻股票無問題,但日後若資金慢慢增加,就要投資不同類型的股票,建立一個平衡的投資組合。(對照龔成信箱Q4083)

點睇後生仔理財

問 6:

成哥,我本身係理財顧問,做左好多年!主要市場是年輕人剛畢業大學生等等!叫佢地mark低收入支出洗費,叫?12年,口水都乾埋!

香港人一般就是冇耐性貪快!一般80後90後更是把「enjoy life」常常掛口中!

理財概念基本上非常薄弱!就連量入為出也把不住關口!有時無會為佢地的行為而激氣!

龔成老師答:

我覺得咁,每個人都有唔同的價值觀,你好難強加一套模式去別人身上,你只可以做好自己,比正確的建議,做好本份就夠,其他野,唔理得太多。

正如我教投資,講價值投資法,香港10個散戶9個都唔會用,覺得無用。但我之前見證大量客戶,就係用坊間炒賣方法輸錢,10個有9個輸。

所以,我認為正確的,就要講,其他人唔認同我,我都會做,但做左之後,你唔受我都無辦法,我地無可能改變每一個人,盡左力,對得住自己就得。

或者你可以送我d比佢地(哈),則向傳達訊息,會有不同的效果。(對照龔成信箱Q4084)

多謝各位提問,若然你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網的,當然,會將發問者的身份,以及有關個人的部分刪去。
另外,由於提問人數眾多,見諒無法即日回覆,如果是普通的提問,預起碼要3天以上才能回覆,若然是較複雜的提問,起碼要7天才能回覆,希望各位能諒解。

編按:龔成是於公屋長大的80後青年,畢業後於銀行從事投資相關工作,雖然月薪僅萬多元,但因為理財及投資有道,只花五年時間,於28歲已累積到100萬元資產,目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》,並出任創富課程導師。

facebook專頁:https://www.facebook.com/80shing

個人網站:https://80shing.skx.io/

延伸閱讀:

工作5年儲蓄 $100萬 學識理財你都做到

賺錢,投資,理財