新界

新界老豆自覺屯元天斷六親、力阻中產搬入大西北:無謂折磨自己個仔

投資

廣告

新界西北近年陸續推出新盤,不少上車一族都考慮在「大西北」置業,近日有港爸在網上分享親身經歷,坦言「生仔勿買大西北」。

買得起YOHO 不如買四小龍

樓主表示,大西北幾乎沒有直資私立學校:「小朋友就要坐校巴去九龍塘番學放學,校巴周圍上客落客,仲慢過坐鐵。」每天浪費時間係車上面。

樓主呼籲有意在大西北置業的家庭,既然有能力購買大西北私樓如YOHO、瓏門級數的話,應該有一定經濟能力。如果未有小朋友,「老婆係個靚會所打下卡都仲好開心」。

但如果有小朋友,就一切都唔同晒。樓主解釋,即使自己不強求子女讀名校,老婆亦會在乎。更表示如果小朋友考入普通學校,而老婆親戚的小朋友考入直資、私立名校,必定會被責怪。而最慘的是,如果層樓變咗蟹貨,想換樓去九龍都難。

反建議有意在大西北置業的家庭,不如買長沙灣「四小龍」:泓景臺、宇晴軒、碧海藍天或昇悅居。

新界
(圖片來源:新地官網圖片)

校網最重要 孟母都要三遷

貼文隨即引來網民熱烈回應,不少在大西北成長的過來人表示認同樓主觀點,認為若果要小朋友住新界、返港島,近乎每天都要舟車勞頓,必定十分痛苦,奉勸準爸爸媽媽不要入住大西北:

  • 「住大西北返港島讀中學簡直係人生最痛苦嗰6年,朝朝6點起身小巴轉地鐵,返到學校已經攰到扒喺度。」
  • 「為左小朋友讀好學校,真係咪住新界。」
  • 「搬屋為小朋友讀書,一律支持港島區。」
  • 「唔只小朋友,小童中童青年人都一樣斷六親社交障礙。」
  • 「孟母都要三遷,唔係點解校網都會影響嗰區樓價,淨係搭車來來回回消耗幾多時間精力」
  • 「無謂折磨自己個仔」
  • 「就算真係要住新界,我d大學同學以前讀九華、協恩、男拔,可能都係住新界東 最多一程火車/巴士,第一城、銀禧花園、新達廣場個類。」
  • 「朋友突發約happy hours或者宵夜肯定約港島尖嘴,你响元朗仲要諗下搭咩車去,去到人地都埋單。」
新界 元朗
(圖片來源:政府新聞網)

網民:50萬屯門人係點出現?

不過亦有網民反問,如果大西北真的如此不宜有小朋友的家庭入主,如何解釋屯門仍然有大量人口;亦有網民表示,如果正正經經留在原區就讀其實不會有太大問題。

  • 「如果咁差,50萬屯門人係點出現?」
  • 「住大西北要誇區去港島,正正經經係大西北區返學啦。」
  • 「留係香港仲諗住生小朋友,要下一代受苦你就唔好講出嚟啦。」

元朗尚悅兩房438萬創新低

事實上,元朗尚悅近期放盤成交同時告急。中原地產元朗副區域營業經理王勤學表示,尚悅13座高層F室,實用面積355平方呎,兩房間隔,開價448萬元,新近以438萬元沽出,實用呎價12338元,屬屋苑近年新低價。

原業主於2016年12月以370萬元買入單位,持貨6年轉售,帳面獲利68萬元,升值18%。

代理表示,原築2座高層E室,實用面積450平方呎,兩房間隔,開價518萬元,日前以500萬元易手,實用呎價11111元,成交價創屋苑逾一年半新低。

據知,原業主於2014年10月以410萬元買入單位,持貨8年,帳面獲利90萬元,單位升值22%。

新界 元朗 尚悅
(圖片來源:政府新聞處)

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:政府新聞處