經一專欄 月供 盈富 比亞迪 中生製藥

【經一專欄】想30 歲前儲$100萬 月供盈富、比亞迪、中生製藥 | 龔成信箱

投資

廣告

經一專欄・盈富】今日龔成信箱,不少讀者想為未來作打算,如何實行投資計劃,亦提及熱門的股票以及投資心態等問題,當中包括物業管理股、收息股、月供股票、優質股、 房託 ,以及潛力股等提問。

撰文:龔成|圖片:新傳媒資料庫、unsplash

1.進取組合

hello 龔Sir, 之前我因加了人工,現在每月可以儲$10000,現金有十萬,我今年二十六歲,我重新整理過股票組合,二十六歲是應該達至一個比較進取的組合嗎?我的組合是否能做到呢?

我現有的股票包括:
004 九龍倉 – 1000 @26
338 交易所-200 @ 230.680
778 置富[email protected]
823 領展 – 1000@ 68.309
1686 新意網-16000@ 5.018
2588 中銀航空[email protected]
700 騰訊-100@454 (買得太貴,點算?)

54 合和 [email protected]

我想30 歲前儲到一百萬,有可能嗎?

我應該怎樣分配每個月的一萬積蓄呢?買股票定點好?如是,應買什麼?我現在的股票有點買得太貴,怎樣做好?

期待你的回覆!感謝!

 

龔成老師:

26歲仍是一個財富增值的年齡,你可以投資「平穩增值股」+「潛力股」,建立一個平穩的組合就得。

至於你所投資的股票,基本上都是有質素的,可以長線持有,都是穩健之選。騰訊(0700)買入價雖然有點貴,但都可以守住先。

但整體的增長力不算強,可以加多少少潛力股。你上述的股可以持有,然後在之後的股票裡,增加翻少少潛力股。

如果你每月能保持儲到$1萬,加上之前的財富,要$100萬可以的。

你可以做月供股票,每月$7000,盈富(2800)$3000、比亞迪(1211)$2000、中生製藥(1177)$2000,保持進行。不要理中短期升跌,一直供就得。

餘下的先儲現金,這部分不要心急動用,你要好好學習選股、企業估值、投資時機等,好好運用這部分的資金,等到較好的時機才投資。這樣會對你的財富有更大的影響。

(對照龔成信箱:Q8382)

2.港鐵(0066)

成大哥,近半年先開始睇你信箱, 非常認同你的投資概念,就膽粗粗走去試下買股票, 買左(盈富基金) (置富房地產)( 越秀房地產) 一半錢買股一半做現金儲蓄。

我同太太一向都不善理財, 太太有一手(匯豐) 約值四萬元, 兩人現金約只有20萬,二人月入4萬5, 我現年45歲仲有個7歲小朋友。

下月開始同太太合資月供股票,2千( 盈富基金),2千( 港鐵), 希望五年後儲到筆錢,本金24萬,希望好過做銀行定期, 更理想當然希望連本帶利有30萬,可行嗎?希望你能夠再畀啲意見我

 

龔成老師:

你現時持有的都是有質素的股票,長期持有就得,而一半持股一半現金,對現時的市況平貴來說,亦是較好的做法。

如果你未能掌握企業估值、平貴,買賣時機的能力,以月供股票去進行,是最好的方法。

以你現時的年齡及家庭情況,月供盈富(2800)及港鐵(0066)都是適合的,你長期進行就得,預期5年滾存到30萬,是合理數目,我認為可以的。

當然,都希望你能同時強化投資知識,在選股、投資時機、企業估值上好好學習,善用餘下的現金,到股市下跌時就能把握到機會。

(對照龔成信箱:Q8376)

3.盈富(2800)

你好,其實我可以說沒有任何投資知識,想問買股同月供有什麼各自好處

因我只識一元一元儲,太慢

 

龔成老師:

買股票同月供都是買股票,但買股是一手手咁買,金額會較大,例如一次幾萬蚊,而月供就是每月以相同資金,買入該股,例如每月$2000入某股,後者就是將一注資金,分成好多注,可以有平均風險的效果。

不過,後者的手續費一般會較多,同埋要較長時間先可以有一定的數目。

其實月供股票同你儲錢的原理一樣,只是你過往儲現金,而月供就是儲股票,而只要你投資的是優質股,長期就會保持增值。如你唔識選股,就供盈富(2800)啦。

 

(對照龔成信箱:Q8378)

4.東亞銀行(0023)

老師你好,想請教一下0023 東亞,是否值得長線投資?

 

龔成老師:

東亞銀行(0023)都有一定的質素,但賺錢能力的確比過往的年代弱左,近年見佢的生意都無乜增長,而股本回報率又處於中等水平,比其他銀行股,無突出。

所以,這股都有投資價值,但就不值得投資太多。

(對照龔成信箱:Q8379)

5.瑞安房地產(0272)

老師,我想知272瑞安是否好股?

若要換馬,有什麼股較好?

 

龔成老師:

瑞安房地產(0272)不錯的,雖然唔算最優質的級別,但本質唔差。業務保持增長,而負債在內房中亦不算高的一間,這股有投資價值的,加上股息率高,其實你可以持有的。

如果想換,最簡單就是轉盈富(2800),本質不止平衡,長遠的增長力都不錯。

 

(對照龔成信箱:Q8380)

6.投資組合

你好,本人27歲,月入3萬,每年人工增長約5-7%,現時扣除日常開支同家用及2年半後新居裝修錢等等,每月只可草2000$ 現金。

由今年5月起月供緊2000$ 盈富,而中電、煤氣、比亞迪各1000$。

手上有股票係:
港鐵(66)45.5$ 一手 ,收息後44.38$
大快活(52)29.75$ 一手 ,收息後 28.7$
維他奶(345)20.25$ 一手 ,收息後19.93$

合和公路(737)4.67$ 2手 ,收息後4.528$
領展(823)69.7$ 一手, 收息後68.41$
金沙(1928)36.3$ 一手,收息後33.1$
港燈(2638)7.17$ 2手,收息後6.778$
香港電訊(6823)10$ 一手, 收息後9.71$
比亞迪(1211)48.25$ 2手,收息後48.16$

1)想請問我投資組合理想嗎?可以如何更進一步?
(2年半後收番間屋後我諗大約有2年時間本身拎黎草錢要供樓,變左零儲蓄。)

2)現時草到既裝修錢,可以點樣低風險又達到最大回報呢?(我依家只放係按揭mortgage link)

3)我希望可以用20 年時間每月收息1.5萬達至財務自由!

4)另外,想問我黎緊想入手煤氣,越秀信託(405)同埋福壽園,想問問你意見我仲適唔適合入?謝謝你!

 

龔成老師:

1)你持有的都是有質素的股票,基本上無問題,長期持有就得。以你現時的年齡情況,投資「平穩增值股」+「潛力股」是適合的,你投資的都是這些類別,因此無問題,一直持有就得。

如果想優化,可以加多少少潛力股,不過就唔洗改原有的持股,只需往後進行就得。

2)因為你打算2年半後動用這些錢,所以不能太進取,只可以進求平穩增值同收息,簡單來講,這部分的資金,應較多投資在收息股,建立一個收息組合,同時加少少盈富(2800),咁樣是最好的。

3)這個不難呀,你可以用「先增值,後現金流」的方法,這刻集中做增值,20年後轉到收息類資產。你現時所選的月供股票,都是平穩增值類,可以比亞迪(1211)月供部分,加到$2000。

你不要理中短期的股市波動,一直供這些股票就得,長期進行,我相信你要20年後現金流有$15000,無問題。

4)煤氣(0003)、越秀(0405)、福壽園(1448)都有質素的,可以入,分注就得,但你會開始太多股票,會有少少散,宜仔細少少建立你的組合。

另外,現時市況處合理水平,這水平我地可以入貨,但同時要留有一定的現金,你要注意持有現金的比例。

(對照龔成信箱:Q8381)

7.匯賢產業(87001)

請問龔sir點解呢隻87001 個價無乜點上落?(即使呢幾日恒指跌佢都唔”旭”,但我見佢都有成交架),您認為咩價位入才抵買?謝

 

龔成老師:

每隻股票都有佢的特性,而最後所反映的,一定是佢本身的價值。匯賢產業(87001)是一隻房託,即是持有一個物業組合,就算大市升升跌跌,只要所影響的因素,同佢物業影響的因素無乜關係,咁佢股價就會無乜上落。

分析佢平貴,可以簡單咁睇佢股息率回報,大約9%左右是一個合理的股息率(雖然佢的股息率比其他房託高,但佢有物業有到期因素),所以投資者要求的股息率會較高。如果去到10%,就是平宜區了。

(對照龔成信箱:Q8383)

8.中生製藥(1177)

Hi龔成
我想問 939 1177 175 安全邊際大約咩位置 唔該曬. 而家有政策同貿易戰不確定性,適唔適合而家繼續入

 

龔成老師:

這3隻都是有質素的股票,建行(0939)增長力不強,收息可以,以時處於合理區,可投資。吉利(0175)則有增長的能力,現價都合理,如要安全邊際,要跌多2、3成先得。

至於中生製藥(1177),有潛力,但股價波動大,現價雖然是合理區,但如果要較安全,可以要跌多3成先得。不過,這刻分注入都可以。

(對照龔成信箱:Q8384)

9.物業管理股

我想問物業管理股算唔算優勢行業?收入穩定又有增長,會不停收購加上有母公司的項目

 

龔成老師:

物業管理是有質素的行業,本身業務穩定,加上業務能保持增長,因此有投資的價值。但之前好多物業管理企業上市,估值仲要好貴,根本未到投資時機,所以這類股要小心估值。

(對照龔成信箱:Q8385)

10.月供股票

你好成哥,我有少少問題想請教你,想你比意見。

我現在23歲,月入大概16000,剛剛報讀左半工讀嘅基礎文憑,但之後發覺半工讀有啲吃力,自己亦都唔係讀書既材料。

讀完之後又未必對工作有幫助,我想問我應唔應該為左一個學歷而繼續付出金錢同時間?定係我應該唔讀書,去用空餘既時間,更多既錢去投資?

另外我想問我每月月供6000-8000分別係盈富基金、工商銀行、中銀香港、煤氣、領展會否太過分散?謝謝你麻煩你

 

龔成老師:

要睇你有幾確認自己「不是讀書的材料」,如果你真的讀唔到,當然唔好讀,如果你未盡力而找理由比自己唔讀,咁就要好好想清楚。

你已經出來做野,其實應該進修一些「同工作有直接關係」,即是你進修完,好大機會長期對你工作發展有幫助的,如果是這樣,就值得,否則就不值。

我一向都反對為讀而讀,如果未確認讀完後,對前途有幾大幫助,咁就不如唔好讀。不過你現時讀左一半,就有少少兩難。

比起讀書(為讀而讀),我會建議人將錢,用於學習財務知識,學股票、學投資、學做生意,簡單去月供股票,長遠累積的財富更多。

你保持月供$6000-$8000是不錯的做法,上述有少少散,你集中在3隻股就得。(對照龔成信箱:Q8386)