新型公屋裝修三大慳錢貼士 17萬可變型格居所

樓市

廣告

想住好啲,唔一定買貴價私樓,只要裝修花點心思,連公屋都可變型格居所。今次就同大家分享一個位於新建公屋水泉澳邨的單位,單位面積約320呎,重新規劃後有兩房一廳,全屋裝修連訂造傢俬造價僅17萬元,減少了落地傢俬,連單車亦升上天花板,藉此增加空間感,散發住一種台中文青感覺!

撰文:JOEY

依家公屋輪候時間愈來愈長,所以租戶用嚟裝修嘅錢都愈滾愈大,加上依家樓價貴,令好多人都想間屋耐用啲又耐看啲,導致依家啲新公屋「私樓化」。

咩叫「私樓化」呢?就係話公屋租戶對室內設計要求愈來愈高,唔係單單有得住就得,仲要住得好。人氣裝修公司「公屋裝修易」繆先生就話,依家嘅人,家居唔再單單為咗畀全家人住埋一齊就夠,而多數都首要空間感、貯物空間、以及簡約得黎又靚嘅室內設計。

新型公屋裝修三大慳錢貼士  17萬可變型格居所

以下係繆先生同大家分享嘅幾個新型公屋裝修慳錢貼士,大家可以參考吓呀!

1. 不動水電配置

很多客人都會想大執水電位,但其實新型公屋水電配套都比較細緻,有啲配置仲有結構上嘅考慮,例如上述水泉澳邨單位,洗手間原本嘅地板配置就有防滲功能,房署仲規定一旦住戶擅自拆掉重整,日後有咩滲水問題,政府係唔包架!所以郁咗分分鐘無咁好,唔郁仲可以省下不少拆卸重裝費。

2. 減少泥水工程

繆先生話,其實裝修費入面,以泥水工程造價最貴,郁吓都幾萬蚊!所以大家不妨考慮整無縫地板或者塑膠地板,耐用之餘仲好多款式揀,最緊要係比磚慳唔少。

3. 淘寶買平價建材

其實依家淘寶有唔少好用嘅建材,只要屋主用心發掘下,就可以為你嘅家居增添格調之餘又省下裝修費。以呢個水泉澳單位為例,屋內嘅「磚牆」同燈飾其實都係淘返嚟。

新型公屋裝修三大慳錢貼士  17萬可變型格居所

如果各位唔敢試電器驚[成龍出現鳥]唔安全[/成龍出現鳥],都可以試下屋主淘嘅牆貼紙。「呢幅磚牆」事實上係環保高彈物料,小朋友撞親都唔驚,仲防水添!而且可以隨時撕返落嚟換下款。

延伸閱讀:
【全港仍有30個港鐵站 物業平均呎價低於1萬】
http://www.edigest.hk/Vip/detail?id=3541
【九成按揭40萬上車 港灣豪庭撈底戰】
http://www.edigest.hk/Vip/detail?id=3502

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看