磚頭是否最佳資金避難所?

樓市

廣告

朋友:「今個星期中原指數又升喎。」

筆者:「市場氣氛確實好咗好多。」

朋友:「好癲,報紙話好多業主仲反價添。」

筆者:「部分熱門屋苑啦,好多舊區單幢樓仲未癲嘅。」
朋友:「其實抑壓咗一年嘅購買力,都仲未完全爆發。」

筆者:「之前估計年中見底,估唔到反應咁快。」
朋友:「大行、專家都轉晒軚,年初個個話跌,而家都話升。」
筆者:「好多因素配合嘅。」
朋友:「分析話主要原因係英國脫鈎。」
筆者:「估唔到,英國脫鈎竟然有咁大影響力。」

朋友:「咪係囉,脫鈎又關沙田第一城咩事呢?做乜反價呢?」
筆者:「咪係囉,脫咗幾個星期,英國樓都未有咩反應。」

朋友:「分析話歐洲金融市場動盪,資金會流入亞洲。」
筆者:「仲話磚頭成為資金避難所添。」
朋友:「係囉,你點睇呢?磚頭係咪資金避難所呢?」

這個課題的確不容易,相信不同學者及專家都有自己的睇法。筆者不是甚麼學者專家,只是一個實戰的、貼地的小投資者,嘗試從個人的投資經驗,分享自己對資金避難所的睇法。

磚頭流動性低、變現能力差

理論上,磚頭其實不算是理想的資金避難所。聽投資界前輩分享心得,最典型、最理想的資金避難所,應該是黃金或其他貴金屬,最常聽見老爸想當年,凡有戰亂,或政治經濟不穩定,人人都會爭相買入黃金,甚至回想到兒時跟爺爺走難的年代,甚麼都帶不了,就帶家裏幾條金條,除了因為保值,還有一個重要的原因是流動性高,容易變現。

如果要符合以上兩個條件,磚頭肯定不是理想的資金避難所,最少在變現能力上,磚頭完全被比下去!試想想,買入一個單位之後,如果你要賣出套現,首先你要放盤,然後買家來睇樓,討價還價,價錢談好了,還有成交期,隨時半年都未能變現。

細價樓還算好,交投量高,如果是中高價樓,要賣出可不容易,還未計算政府的SSD,住宅物業要鎖三年呢。以前的年代還好,因為隨時可以透過銀行加按套現,可惜今天政府一再收緊按揭,要加按套現亦不容易,撇除向財務公司借高利率貸款,變現能力大大降低。

買金融產品更加易輸

然而,如果從實戰角度說,磚頭又確實是避難所。金融市場動盪的年代,身邊很多朋友埋怨,買乜都輸!

喜歡買股票的,買藍籌股嗎?受到經濟表現拖累,很多實力藍籌股這幾年的表現均未如理想。買細價股嗎?死得更轟烈!求穩定的朋友可能會選擇買基金,受累環球經濟波動,又輸!做生意嗎?今時今日這個時勢,遊客下跌,經濟下行,再加上請人困難等等因素,死得更快!

既然買乜都輸,於是很多人都會選擇買磚頭,最少物業是自己的,就算估錯市,樓價要下跌一成、兩成,可以繼續持有、收租,待好價的時候再出售。

正如年初時有業主朋友問我,樓市表現好差喎,好唔好平平哋賣咗佢,我的回應通常是:「唔爭在忍多陣啦,而家放個價唔靚,暑假先放啦。」相對其他金融產品,物業相對比較容易理解、比較穩定,最少有層樓在手,或可以繼續收租賺現金流,總好過一些金融產品,唔識真係輸鬼死!

延伸閱讀:
【全港仍有30個港鐵站 物業平均呎價低於1萬】
http://www.edigest.hk/Vip/detail?id=3541

【九成按揭40萬上車 港灣豪庭撈底戰】
http://www.edigest.hk/Vip/detail?id=3502

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看