【網民熱話】返新工一個月 見公司出post請我個位 網民指有6大可能性

返新工一個月 公司再請同一職位？

樓主指自己剛返工滿一個月，無意間發現公司出Post請樓主的工作崗位，擔心自己做錯事將被公司炒。

他補充自己尚在適應新工作，暫時未有大錯，而且也無俾人鬧過又無收過Warning。

網民看後意見不一，部分人認為公司準備炒他「可能睇你唔順眼準備炒你」、「好快比（被）人炒」、「請人即郁你」、「執定包袱」

有數個網民指自己也曾遇到相同情況，其中一個指當時更被公司延長試用期，最後當時人做多半個月就自行辭職，原因是覺得上司差，且經常不滿其工作表現。

另一網民也指試過同樣情況，不過其公司大概出多一個月（招聘廣告）就冇再見佢出了。

最後此網民「做咗差唔多成年，搵到份好工就走了。」

他認為公司「可能係想請多個人，又可能我唔做時隨時有個人可以即刻返工代替我，又或者根本唔滿意我，但又請唔到人」

公司「呃CV」

另一個較理性的分析，是可能公司俾咗錢網站post jobs幾個月，所以可能有時請咗人都繼續有同一job post在網站！

當然也有可能是公司繼續post jobs増加知名度做宣傳同「呃CV」。

「大把job agents手頭上根本沒有工作，但係咁出不存在job post去收CV!」

網民：公司出post請人的6大可能性

也有網民細心地為樓主逐點分析當中的可能性，包括以下6點：

1.可能另外有人resign
2.可能請多１個
3.睇下有無人更加適合或人工平Ｄ
4.俾你知出post，再同你講價，或加workload, 或者改工作時間。
5.想你轉做第２個位，通常係豬頭骨無人會apply嘅位
6.老闆想請個可以兼多幾個位嘅人，請到後先cut人

有網民突破盲腸，指樓主其實不用擔心太多，因為「炒人係不用有充分的理由， 只需要睇你唔順眼！」

「唔需要冇咩大錯先郁你，請你返嚟係要提升公司生產力，你犯錯係負生產力，你冇犯錯但交唔到功課，係零生產力，一樣郁得你。」

該網民補充：「如果你懷疑公司唔滿意你表現（記住係你覺得公司唔滿意你，唔係你自己點睇你自己嘅表現，任何人睇自己都比較寬容架啦），不如及早搵定工，始終試用期內比人炒係成日有嘅事，冇可能冇任何準備而坐以待斃。」

事實上，個人也認為樓主不必擔心太多，因為「既來之、則安之」。

就算公司有換人的打算，除非樓主先發制人自行辭職，否則不如將續做好自己，隨遇而安。

至於樓主若真的很想知道公司再重新出Post招聘的原因，個人認為最實用的網民建議是這個：「用第二個名去apply就知咩料喇」